மாணவர்கள் கவனத்திற்கு… 10ஆம் வகுப்பு துணைத்தேர்வு அட்டவணை வெளியீடு.!

[Image source : Hindustan Times]

10ஆம் வகுப்பு துணை தேர்வு அட்டவணை வெளியாகியுள்ளது. அதில் ஜூன் 27 தேர்வுகள் ஆரம்பித்து, ஜூலை 4 தேர்வு முடிவடைகிறது. 

தமிழகம் மற்றும் புதுச்சேரியில் 10ஆம் வகுப்பு தேர்வு எழுதிய மாணவர்களின் மதிப்பெண்கள் இன்று காலை 10 மணிக்கு வெளியானது. இந்தாண்டு10-ஆம் வகுப்பு பொதுத்தேர்வை 9.4 லட்சம் மாணவ மாணவியர்கள் எழுதியிருந்தனர். அதில் மொத்தம் 91.39% மாணாக்கர்கள் தேர்ச்சி பெற்றிருந்தனர்.

இந்த வருடம் 10ஆம் வகுப்பு தேர்ச்சி பெற தவறிய மாணவர்களுக்கு உடனடியாக மறுதேர்வு எழுத துணைத்தேர்வு அட்டவணையை பள்ளிக்கல்வித்துறை வெளியிட்டுள்ளது. அதில்,

• ஜூன் 27 – மொழிப்பாடம்.
• ஜூன் 28 – ஆங்கிலம்.
• ஜூன் 30 – கணிதம்.
• ஜூலை 1 – விருப்பத்தேர்வு மொழிபடம்.
• ஜூலை 3  – அறிவியல்.
• ஜூலை 4 – சமூக அறிவியல்.

என கால அட்டவணையை பள்ளிக்கல்வித்துறை வெளியிட்டுள்ளது. இந்த துணை தேர்வில் விண்ணப்பிக்க விரும்பும் மாணவர்கள் தங்களின் பள்ளிகள்/ தேர்வு மையத்தை அணுகலாம் என கூறப்பட்டுள்ளது.