முதலமைச்சர் விரிவான காப்பீட்டுத் திட்டம் அடுத்த 5 ஆண்டுகளுக்கு நீட்டிப்பு..!

முதலமைச்சர் விரிவான காப்பீட்டுத் திட்டம் 2027 ஆம் ஆண்டு ஜனவரி மாதம் வரை நீட்டித்து தமிழக அரசு அரசாணை வெளியிட்டு உள்ளது.

தமிழகத்தில், குடும்ப அட்டைதாரர்களுக்கு 2009ஆம் ஆண்டு ஜூலை மாதம் உயர் ரக மருத்துவ சிகிச்சைக்கான கலைஞர் காப்பீட்டுத் திட்டம் என்ற பெயரில் உருவாக்கப்பட்ட இந்த திட்டத்தின் கீழ் 51 வகையான நோய்களுக்கு ரூ.5 லட்சம் வரை அரசு மற்றும் தனியார் மருத்துவமனைகளில் இலவசமாக பெறலாம்.

கடந்த 2020 ஆண்டு ஜூன் முதல் கொரோனா சிகிச்சையும் இந்தத் திட்டத்தில் சேர்க்கப்பட்டது. 2011-ஆம் ஆண்டு ஜூலை மாதம் இந்த திட்டம் மேம்படுத்தப்பட்டு “முதலமைச்சரின் விரிவான காப்பீட்டுத் திட்டம்” என பெயர் மாற்றம் செய்யப்பட்டது. பின்னர் 2018 ஆம் ஆண்டு செப்டம்பர் மாதம் மத்திய அரசின் “பிரதான் மந்திரி ஜன் ஆரோக்கிய யோஜனா ” திட்டத்துடன் இணைக்கப்பட்டு மத்திய, மாநில அரசுகள் இணைந்து தவணை தொகையை வழங்கி வருகின்றன.

இந்நிலையில் காப்பீட்டுத் திட்டம் வரும் ஜனவரி மாதம் 11 ஆம் தேதியுடன் முடிவடைய உள்ள நிலையில், 2027 ஆம் ஆண்டு ஜனவரி மாதம் வரை நீட்டித்து தமிழக அரசு அரசாணை வெளியிட்டு உள்ளது.