கோடம்பாக்கத்தில் கொரோனாவால் பாதிக்கப்பட்டோர் எண்ணிக்கை ஆயிரத்தை தாண்டியது!

சென்னை கோடம்பாக்கத்தில் கொரோனாவால் பாதிக்கப்பட்டோர் எண்ணிக்கை ஆயிரத்தை தாண்டியது.

தமிழகம் முழுவதும் கொரோனா வைரஸ் தீவிரமாக பரவி வருகிற நிலையில், இதனை கட்டுப்படுத்த அரசு பல முன்னெச்சரிக்கை நடவடிக்கைகளை மேற்கொண்டு வருகிறது. அந்த வகையில், தமிழகத்தில் அதிகமாக கொரோனா பாதிப்புள்ள மாவட்டங்களில் சென்னை முதலிடத்தில் உள்ளது. 

இந்நிலையில், இன்று, சென்னை மாநகராட்சி சென்னையில் மண்டல வாரியாக கொரோனா பாதித்தவர்கள் விவரத்தை வெளியிட்டுள்ளது. ராயபுரம், கோடம்பாக்கம் ஆகிய இடங்களில் கொரோனா பாதித்தவர்கள் எண்ணிக்கை 1000ஐ தாண்டியுள்ளது. 

இன்றைய நிலவரப்படி, சென்னை ராயபுரத்தில், அதிகபட்சமாக 1,185 பேருக்கு கொரோன பாதிப்பு ஏற்பட்டுள்ளது. நேற்று ஒரே நாளில், சென்னையில் 480 பேருக்கு கொரோனா பாதிப்பு ஏற்பட்டதால், கொரோனா பாதித்தவர்கள் மொத்த எண்ணிக்கை 6,750  ஆக அதிகரித்துள்ளது. இதுவரை சென்னையில், கொரோனா பாதிப்பால் 53 பேர் உயிரிழந்துள்ளது குறிப்பிடத்தக்கது.