கனமழை எதிரொலி.! நெல்லை, தூத்துக்குடியில் பள்ளிகளுக்கு மட்டும் விடுமுறை.!

Tirunelvei rain School leave [File Image ]

கடந்த ஞாயிற்று கிழமை முதல் திருநெல்வேலி , தூத்துக்குடி, கன்னியாகுமரி , தென்காசி ஆகிய மாவட்டங்களில் பெய்த வரலாறு காணாத கனமழை காரணமாக இதுவரை வெள்ளம் தேங்காத பகுதிகளில் எல்லாம் மழைநீர் தேங்கி உள்ளது. குறிப்பாக திருநெல்வேலி, தூத்துக்குடி மாவட்டம் வெள்ளத்தால் அதிகமாக பாதிக்கப்பட்டுள்ளது.

ஏற்கனவே திங்கள், செவ்வாய் ஆகிய தினங்களில் பள்ளி , கல்லூரி , தனியார், அரசு நிறுவனங்கள் என அனைத்துக்கும் பொதுவிடுமுறை அளிக்கப்பட்டு இருந்தது. இன்றும் அதே நிலை தான் திருநெல்வேலி, தூத்துக்குடி மாவட்டங்களில் நீடித்தது. நாளை திருநெல்வேலியில் பள்ளிகளுக்கு மட்டும் விடுமுறை என்று அறிவிக்கப்பட்டுள்ளது.

நாளை கல்லூரிகளில் எந்தவித மீட்பு முகாம்களும் இயங்கைவில்லை என்பதால் நெல்லை மாவட்டத்தில் கல்லூரிகள் வழக்கம் போல இயங்கும் எனவும் மாவட்ட ஆட்சியர் கார்த்திகேயன் தெரிவித்தார். அதே போல தூத்துக்குடி மாவட்டத்தில் பள்ளி, கல்லூரிகளுக்கு விடுமுறை எனவும் அம்மாவட்ட நிர்வாகம் அறிவித்துள்ளது.