சட்டப்பேரவையில் உறுப்பினர்கள் என்னை புகழ்ந்து பேச வேண்டாம்…! மீண்டும் அறிவுரை வழங்கிய முதல்வர்…!

சட்டப்பேரவையில் தன்னை புகழ்ந்து பேசி நேரத்தை வீணடிக்க வேண்டாம் என்று முதல்வர் மு.க.ஸ்டாலின் மீண்டும் அறிவுறுத்தல். 

தமிழக முதல்வர் மு.க.ஸ்டாலின் அவர்கள் ஏற்கனவே, சட்டப்பேரவையில் தன்னை புகழ்ந்து பேசி நேரத்தை வீணடிக்க வேண்டாம் என சட்டமன்ற உறுப்பினர்களுக்கு அறிவுறுத்தியிருந்தார். இந்நிலையில், இன்று பேரவை தொடங்கியவுடன் மானிய கோரிக்கை மீதான விவாதம் நடைபெற்றது.

 விவாதத்தின் போது பேசிய கும்பகோணம் தொகுதி திமுக எம்எல்ஏ அன்பழகன் அவர்கள், பேரவையில் இன்று கண்ணியமாகக் கர்வமில்லாமல் அமர்ந்திருக்கிறார் முதலமைச்சர் மு.க.ஸ்டாலின். முதலமைச்சராக முடியாது என்று சொன்னவர் முகத்தை இந்த மன்றத்தில் பார்க்க முடியவில்லை என்று பேசினார்.

இதனையடுத்து அன்பழகன் அவர்கள் பேசிய போது குறுக்கிட்ட முதல்வர் மு.க.ஸ்டாலின் அவர்கள், தன்னை பற்றி புகழ்ந்து பேசி நேரத்தை வீணடிக்க வேண்டாம்  என்றும், மானியக் கோரிக்கைக்கு வாருங்கள், மானிய கோரிக்கைகள் குறித்து பேசுங்கள் என்று தெரிவித்துள்ளார்.