நீலகிரி மாவட்ட மழை வெள்ள பாதிப்புகள் குறித்து மு.க.ஸ்டாலின் ஆய்வு

தென்மேற்கு பருவ மழை தற்போது தீவிரமடைந்துள்ளது.இதன்காரணமாக கர்நாடகா மற்றும் கேரளாவில் கனமழை பெய்து  வருகிறது.தமிழகத்தை பொறுத்தவரை கோவை,நீலகிரி மாவட்டத்தில் கனமழை நீடித்து வருகிறது.

குறிப்பாக நீலகிரியில் கனமழையால் வெள்ளம் பெருக்கெடுத்து ஓடி வருகிறது. நீலகிரி மாவட்டத்தில் உள்ள ஆறுகளில் வெள்ளப்பெருக்கு ஏற்பட்டுள்ளதால், உதகை, குந்தா, கூடலூர், பந்தலூர் பகுதிகளில், மின் விநியோகம் தடை செய்யப்பட்டுள்ளது .தொடர்ந்து பெய்து வரும் கனமழை காரணமாக அவலாஞ்சி பகுதியில்  நிலச்சரிவு ஏற்பட்டுள்ளது.இதனால் அங்குள்ள பல பகுதியில்  போக்குவரத்து தடைப்பட்டுள்ளது.பல இடங்களில் மரங்கள் சாய்ந்துள்ளதால் அவற்றை அகற்றும் பணி தொடர்ந்து நடைபெற்று வருகிறது.

இந்த நிலையில் நீலகிரியில் வெள்ளம் பாதித்த பகுதிகளை பார்வையிடுகிறார் திமுக  தலைவர் மு.க.ஸ்டாலின்.மேலும் அங்கு பாதிக்கப்பட்ட மக்களிடம் குறைகளை கேட்டறிகிறார் என்றும் தெரிவிக்கப்பட்டுள்ளது.