ஐடி ஊழியர்கள் வீட்டில் இருந்துதான் பணியாற்ற வேண்டும்.! – தமிழக அரசு.!

தமிழகத்தில், அனைத்து ஐடி ஊழியர்களும் வீட்டிலிருந்துதான் வேலை பார்க்கவேண்டும் எந்த வித தளர்வும் கிடையாது என தமிழக அரசு அறிவித்துள்ளது.

கொரோனா  முன்னெச்சரிக்கை காரணமாக நாடெங்கிலும் ஊரடங்கு அமல்படுத்தப்பட்டு வருகிறது. நேற்று (ஏப்ரல் 20) ஆம் தேதி முதல் மாநில அரசின் அறிவுறுத்தல் படி கொரோனா பாதிப்பு குறைவாக இருக்கும் பகுதிகளில் ஊரடங்கு தளர்த்தப்படும் என உத்தரவிட்டிருந்தது.

ஆனால், தமிழகத்தில் மே 3ஆம் தேதி வரை ஊரடங்கு தொடரும் எனவும், வேறு எந்தவித தளர்வும் இன்றி தற்போதுள்ள விதிமுறைகள் தொடரும் என தமிழக அரசு அறிவித்துள்ளது. இதனால், ஐடி நிறுவனங்களை 50 சதவீத ஊழியர்களை வைத்து வேலை பார்க்கலாம் என கூறப்பட்டிருந்த நிலையில் தற்போது அந்த விதிமுறை கிடையாது எனவும், அனைத்து ஐடி ஊழியர்களும் வீட்டிலிருந்துதான் வேலை பார்க்கவேண்டும் எந்த வித தளர்வும் கிடையாது எனவும் தமிழக அரசு அறிவித்துள்ளது.