அமைச்சரவையை முதல்வர் மாற்றலாம்… அவருக்கு உரிமை உண்டு…துரைமுருகன் கருத்து.!

Water Resources Minister Duraimurugan [Image Source : dtnext/File Image]

அமைச்சரவையை மாற்றும் உரிமை முதலமைச்சருக்கு இருக்கிறது என அமைச்சர் துரைமுருகன் கூறியுள்ளார்.

தமிழக சட்டப்பேரவையில் மாற்றம் செய்வது தொடர்பாக அமைச்சர் துரைமுருகன், நேற்று ஆளுநர் ஆர்.என்.ரவியை சந்திக்க உள்ளதாக தகவல் வெளியான நிலையில் இந்த சந்திப்பு நடைபெறவில்லை என்று கூறப்படுகிறது. இதன்பிறகு பேட்டியளித்த அமைச்சர் துரைமுருகன் அமைச்சரவையில் என்ன மாற்றம் கொண்டுவரவேண்டும் என்ற அதிகாரம் முதலமைச்சருக்கு உள்ளது என்று கூறினார்.

மேலும் அமைச்சரவை மாற்றம் நடைபெறுவது என்பது உங்களுக்கு தெரிந்த அளவில் தான் எனக்கும் தெரியும், அமைச்சரவையில் மாற்றம் கொண்டுவரும் உரிமை முதல்வருக்கு இருக்கிறது, அதனை யாரும் கேட்கமுடியாது என்று கூறினார்.

அதன்பிறகு ஆளுநர் மாளிகை வெளியிட்ட அறிக்கையில் தமிழக அமைச்சரவையில் இருந்து நாசர் விடுவிக்கப்படுவதாகவும், புதிய அமைச்சராக டி.ஆர்.பி.ராஜா தேர்ந்தெடுக்கப்படுவதாகவும் வெளியானது, இந்த நிலையில் நாளை ஆளுநர் மாளிகையில் புதிய அமைச்சர் பதவியேற்பு விழா நடைபெறுகிறது என்பது குறிப்பிடத்தக்கது.