ஈரான் கிட்ட கச்சா எண்ணெயை தாராளமா இறக்குமதி செய்யுங்க! சீனாவுக்கு ‘கிரீன் சிக்னல்’ காட்டிய டிரம்ப்?

வாஷிங்டன் : அமெரிக்க அதிபர் டொனால்ட் டிரம்ப், ஈரானிடமிருந்து சீனா தொடர்ந்து கச்சா எண்ணெய் இறக்குமதி செய்யலாம் என்று தனது Truth Social தளத்தில் பதிவிட்டார், இது அவரது நிர்வாகத்தின் முந்தைய கொள்கையில் இருந்து திடீர் மாற்றமாக உள்ளது ஹாட் டாப்பிக்கான ஒரு செய்தியாகவும் மாறியுள்ளது. “சீனா இப்போது ஈரானிடமிருந்து எண்ணெய் வாங்குவதைத் தொடரலாம். அவர்கள் அமெரிக்காவிடமிருந்தும் நிறைய எண்ணெய் வாங்குவார்கள் என்று நம்புகிறேன். இதை சாத்தியமாக்கியது எனக்கு பெருமை!” என்று தன்னுடைய பதிவில் கூறியுள்ளார்.

இந்த அறிவிப்பு, இஸ்ரேல்-ஈரான் இடையேயான 12 நாள் மோதலுக்கு முடிவு கட்டிய புலம்பெயர்ந்த போர் நிறுத்தத்தை டிரம்ப் அறிவித்த அடுத்த நாள் வந்தது. மார்ச் 2025 முதல், டிரம்ப் நிர்வாகம் ஈரானின் எண்ணெய் ஏற்றுமதியை பூஜ்ஜியமாக்குவதற்கு “அதிகபட்ச அழுத்தம்” (Maximum pressure)  என்கிற பிரச்சாரத்தின் கீழ், சீனாவின் சிறிய “டீபாட்” எண்ணெய் சுத்திகரிப்பு நிறுவனங்கள் மீது தடைகளை விதித்திருந்தது.

இந்த நிறுவனங்கள் ஈரானின் கச்சா எண்ணெயின் முக்கிய வாங்குபவர்கள் ஆவர். மேலும், ஈரானின் ஆயுதப்படைகளின் வணிக கூட்டியான செப்பெர் எனர்ஜிக்கு முன்னால் உள்ள ஹாங்காங் நிறுவனங்கள் மற்றும் ஈரானிய எண்ணெயை சீனாவுக்கு கொண்டு செல்லும் “நிழல் கப்பல்” கடற்படைகளையும் அமெரிக்கா குறிவைத்தது. இருப்பினும், டிரம்பின் சமீபத்திய பதிவு, இந்த தடைகளில் தளர்வு ஏற்படுத்துவதாகத் தோன்றுகிறது, இது அவரது ஐந்து மாத ஆட்சியில் கொள்கை மாற்றமாக பார்க்கப்படுகிறது.

மேலும், ஈரானின் எண்ணெய் ஏற்றுமதியில் 90% சீனாவுக்கு செல்கிறது, இது ஈரானுக்கு முக்கிய வருவாய் மற்றும் சீனாவுக்கு அமெரிக்க தடைகளுக்கு ஆபத்தை எடுக்கும் ஒரு நிலையை உருவாக்குகிறது. கடந்த நான்கு ஆண்டுகளில் ஈரானின் எண்ணெய் ஏற்றுமதி மூன்று மடங்கு உயர்ந்துள்ளது, சீனா இதில் பெரும்பாலானவற்றை வாங்குகிறது என்று அமெரிக்க ஆற்றல் தகவல் நிர்வாகம் தெரிவிக்கிறது.

இந்த அறிவிப்புக்கு முன், ஈரான் தனது முக்கிய பொருளாதார ஆதாரமான ஹோர்முஸ் நீரிணையை மூடிவிடுவோம் என அச்சுறுத்தியிருந்தது சற்று பரபரப்பை கிளப்பிருந்தது. ஏனென்றால், இது உலக எண்ணெய் விநியோகத்தில் 20% பயணிக்கும் முக்கிய பாதையாகும். ஆனால், அமெரிக்காவின் தாக்குதல்களுக்கு ஈரான் மென்மையான பதிலடி கொடுத்ததும், போர் நிறுத்தம் ஏற்பட்டதும் இந்த அச்சுறுத்தலை சற்று குறைத்தது.

மேலும், இது குறித்து வெள்ளை மாளிகை, டிரம்பின் அறிவிப்பு கொள்கை மாற்றம் இல்லை என்று விளக்கமளித்தது. “ஈரானின் அணு வசதிகளை அழித்து, இஸ்ரேல்-ஈரான் இடையே போர் நிறுத்தத்தை ஏற்படுத்தியதால், ஹோர்முஸ் நீரிணையில் தாக்கம் ஏற்படவில்லை, இது சீனாவுக்கு பேரழிவாக இருந்திருக்கும்,” என்று மூத்த அதிகாரி ஒருவர் தெரிவித்தார். டிரம்ப், சீனா உட்பட அனைத்து நாடுகளும் அமெரிக்க எண்ணெயை இறக்குமதி செய்ய வேண்டும் என்று வலியுறுத்துவதாகவும் அவர் கூறினார் என்பது குறிப்பிடத்தக்கது.