வலிமை வாய்ந்த நெதர்லாந்தை திணறடித்து இந்திய அபார வெற்றி..!

• FIH புரோ ஹாக்கி லீக் தொடர் ஒடிசா மாநிலம் புவனேஸ்வரில் கோலகலமாக தொடங்கியது.
• இந்திய அணி  மற்றும் நெதர்லாந்தது அணிகள் இடையே விறுவிறு விளையாட்டு

உலகின் முன்னணி ஹாக்கி அணிகள் பங்கேற்கின்ற FIH புரோ ஹாக்கி லீக் தொடர் ஆனது ஒடிசா மாநிலம் புவனேஸ்வரில் நேற்று கோலகலமாகத் தொடங்கியது.தொடரின் முதல் போட்டியில் பலம் பொருந்திய நெதர்லாந்தை எதிர்கொண்ட இந்திய அணி ஆட்டத்தின் துவக்கத்தில் இருந்தே ஆதிக்கம் செலுத்தியது.ஆட்டத்தின் 12வது நிமிடத்திலேயே தனது கோல் கணக்கை தொடங்கிய இந்திய அணி, அடுத்தடுத்து கோல் மேல் கோல் அடித்து நெதர்லாந்து அணியை திக்குமுக்காட வைத்து திணறடித்தது.

இந்நிலையில் ஆட்டத்தின் முடிவில் இந்திய அணியானது  5-2 என்ற கோல் கணக்கில் அபார வெற்றி பெற்றது. இந்திய அணி தரப்பில் ருபிந்தர் பால் சிங்  2 கோல்கள் அடித்து அசத்தி அணிக்கு கைக்கொடுத்தார் என்பது குறிப்பிடத்தக்கது.