வெற்றியின் குதூகலம்! மனைவிக்கு வீடியோ கால் செய்த விராட் கோலி..வைரலாகும் நெகிழ்ச்சி வீடியோ!!

virat kohli video call [File Image ]

Virat Kohli : பஞ்சாப் அணிக்கு எதிரான போட்டியில் பெங்களூர் அணி வெற்றிபெற்ற பிறகு விராட் கோலி தனது மனைவிக்கு வீடியோ  கால் செய்து பேசும் வீடியோ வைரலாகி வருகிறது.

நேற்று நடைபெற்ற ஐபிஎல் போட்டியில் பஞ்சாப் கிங்ஸ் அணியும், ராயல் சேலஞ்சர்ஸ் பெங்களூரு அணியும் சின்னசாமி மைதானத்தில் மோதியது. இந்த போட்டியில் ஸ் வென்ற பெங்களூரு அணி, முதலில் பந்து வீச்சை தேர்வு செய்து பஞ்சாப்பை பேட்டிங் செய்ய அழைத்தது. முதலில் பேட்டிங் செய்த பஞ்சாப் அணி 20 ஓவர் முடிவில் 6 விக்கெட்டுகளை இழந்து 176 ரன்களை  எடுத்திருந்தது.

அதன்பிறகு 177 ரன்கள் எடுத்தால் வெற்றி என்ற இலக்குடன் களமிறங்கிய பெங்களூரு அணி  19.2 ஓவரில் 6 விக்கெட்டுகளை இழந்து 178 ரன்கள் எடுத்தது. இதன்மூலம் 4 விக்கெட்டுகள் வித்தியாசத்தில் பெங்களூரு அணி வெற்றிபெற்றது. முதல் போட்டியில் சென்னை அணியிடம் தோல்வி அடைந்த நிலையில், பஞ்சாப் அணிக்கு எதிராக நேற்று பெங்களூர் அணி வெற்றிபெற்று இந்த சீசனில் முதல் வெற்றியை பதிவு செய்தது.

போட்டியில் வெற்றிபெற்றதை தொடர்ந்து விராட் கோலி உடனடியாக தனது மனைவிக்கு வீடியோ கால் செய்தார். வீடியோ கால் செய்த பிறகு செல்லமாக பேசிக்கொண்டு மனைவிக்கு பிளைன் கிஸ் கொடுத்தார், கொடுத்துவிட்டு தனது மகள் மற்றும் மகனையும் பார்த்து க்யூட்டாக செய்கையும் காட்டினார். இந்த வீடியோ தான் தற்போது சமூக வலைத்தளங்களில் வைரலாகி வருகிறது.

வீடியோவை பார்த்த பலரும் விராட் கோலி ரொம்ப மகிழ்ச்சியாக இருக்காரு என்பது போல கூறிவருகிறார்கள். மேலும், நேற்று நடைபெற்ற போட்டியில் விராட் கோலி அட்டகாசமாக விளையாடினார் என்றே கூறலாம். அதன்படி, 49 பந்துகளில் 77 ரன்கள் எடுத்தார். 11 பவுண்டரி 2 சிக்ஸர்கள் அடித்து ரசிகர்களை மகிழ்வித்தார் என்பதும் குறிப்பிடத்தக்கது.