ஐபிஎலில் வீரர்கள் வென்ற விருதுகளும், பரிசு தொகையும்!

IPL Award Winners [file image]

ஐபிஎல் 2024 : 2 மாதங்களாக நடைபெற்று வந்த ஐபிஎல் தொடர் நேற்று முடிவடைந்த நிலையில் எந்தெந்த வீரர்கள் என்னென்ன விருதுகள் வென்றுள்ளார்கள் என்பதை பற்றி பார்க்கலாம்.

நடைபெற்று முடிந்த ஐபிஎல் தொடரானது கடந்த மார்ச்-22 ம் தேதி பிரமாண்டமாக தொடங்கியதுடன் நன்றாகவே நடைபெற்று வந்தது. மேலும், நேற்று நடைபெற்ற ஐபிஎல் தொடரின் இறுதி போட்டியில் கொல்கத்தா அணி அபாரமாக தங்களது 3-வது ஐபிஎல் கோப்பையை வென்றது. இதனால் ஐபிஎல் தொடரில் வெற்றிகரமான அணி என சென்னை, மும்பை அணிகளுக்கு அடுத்த படியாக கொல்கத்தா அணி உள்ளது.

மேலும், ஒவ்வொரு ஐபிஎல் தொடரின் இறுதி போட்டி முடிவடைந்த பிறகும் அந்த ஐபிஎல் தொடரில் சிறப்பாக விளையாடிய வீரர்களுக்கு பல விருதுகள் வழங்கப்படும். அந்த வகையில் நடைபெற்று முடிந்த இந்த 17-வது ஐபிஎல் தொடரில் சிறப்பாக செயலாற்றிய வீரர்களுக்கு பல்வேறு விருதுகள் வழங்கப்பட்டது. அந்த விருதுகளை வென்ற வீரர்களின் பட்டியலை பற்றி தற்போது பார்ப்போம்.

விருதுகளும், வீரர்களும்

• சாம்பியன் பட்டம் – கொல்கத்தா நைட் ரைடர்ஸ் – 20 கோடி பரிசுத்தொகை
• 2-வது இடம் – சன்ரைசர்ஸ் ஹைதராபாத் – 12.5 கோடி
• தொடரின் நாயகன் – சுனில் நரேன் (கேகேஆர்) – 10 லட்சம்
• ஆரஞ்சு தொப்பி (அதிக ரன் அடித்தவர்) – விராட் கோலி (741 ரன்கள்- ஆர்சிபி) – 10 லட்சம்
• பர்பிள் தொப்பி (அதிக விக்கெட்டுகள்) – ஹர்ஷல் பட்டேல் (24 விக்கெட் – பஞ்சாப் கிங்ஸ்) – 10 லட்சம்
• மிகுந்த மதிப்புமிக்க வீரர் – சுனில் நரேன் (488 ரன்கள் , 17 விக்கெட்டுகள்) – 10 லட்சம்
• வளர்ந்து வரும் வீரர் – நிதிஷ் குமார் ரெட்டி (ஹைதராபாத்) – 10 லட்சம்
• அறத்துடன் தொடரை விளையாடிய அணி – சன்ரைசர்ஸ் ஹைதராபாத் –  10 லட்சம்
• சீசனின் சிறந்த பிட்ச் மற்றும் மைதானம் – ஹைதராபாத் கிரிக்கெட் சங்கம் – 10 லட்சம்