INDvsAUS ODI Series squad [Image source : BCCI]
ஆசிய கோப்பை கிரிக்கெட் இறுதி போட்டியில் இலங்கையை 10 விக்கெட் வித்தியாசத்தில் எளிதில் வீழ்த்தி இந்திய அணி கடந்த ஞாயிற்று கிழமை சாம்பியன் பட்டம் வென்றது. அதே புது தெம்புடன் அடுத்து உலக கோப்பையை வெல்ல இந்திய அணி தயாராகி வருகிறது.
அதற்கு முன்னதாக, பலம் வாய்ந்த ஆஸ்திரேலிய அணி இந்தியாவுக்கு சுற்றுப்பயணம் மேற்கொண்டு 3 ஒருநாள் மற்றும் 5 டி20 போட்டிகளில் விளையாட உள்ளது. இதில் ஒருநாள் கிரிக்கெட் போட்டி மட்டுமே உலக கோப்பைக்கு முன்னர் நடைபெறும். டி20 கிரிக்கெட் தொடர் ஒருநாள் உலக கோப்பை முடிந்த பிறகு இரு அணிகளும் விளையாட உள்ளது.
இதில் முதல் ஒருநாள் போட்டி வரும் செப்டம்பர் 22ஆம் தேதி மொகாலியில் வைத்து நடைபெற உள்ளது , 2வது ஒருநாள் போட்டி செப்டம்பர் 24ஆம் தேதி இந்தூர் கிரிக்கெட் மைதானத்தில் நடைபெற உள்ளது. 3வது ஒருநாள் போட்டி செப்டம்பர் 27ஆம் தேதி ராஜ்கோட் மைதானத்தில் நடைபெற உள்ளது.
இதற்கான பலம் வாய்ந்த ஆஸ்திரேலிய அணியை அந்நாட்டு கிரிக்கெட் நிர்வாகம் அறிவித்துள்ளது. பாட் கம்மின்ஸ் தலைமையில், ஸீன் அபாட், அலெக்ஸ் கேரி, நாதன் எல்லிஸ், கேமரான் கிரீன், ஜோஷ் ஹேசல்வுட், ஜோஷ் இங்கலிஸ், ஸ்பென்சர் ஜான்சன், மார்னஸ் லாபுஷேன், மிட்செல் மார்ஷ், கிளேன் மேக்ஸ்வெல், தன்வீர் சங்கா, மாட் ஷார்ட், ஸ்டீவ் ஸ்மித், மிட்செல் ஸ்டார்க், மார்கஸ் ஸ்டோனிஸ், டேவிட் வார்னர், ஆடம் ஜம்பா ஆகியோர் இடம் பெற்றுள்ளனர்.
இந்த பலம் வாய்ந்த ஆஸ்திரேலிய அணியை எதிர்கொள்ள முதல் 2 போட்டிகளில் முக்கிய வீரர்களுக்கு ஓய்வு அளிக்கப்பட உள்ளது. கேப்டன் ரோகித்சர்மா, விராட்கோலி, ஹர்திக் பாண்டியா, குல்தீப் யாதவ் ஆகியோருக்கு முதல் 2 போட்டிக்கு ஓய்வு அளிக்கப்பட்டுள்ளது.
இதனால், ஆஸ்திரேலியாவுக்கு எதிரான முதல் 2 போட்டிக்கான இந்திய அணியில் கே.எல்.ராகுல் தலைமையில், ஷுப்மன் கில், ருதுராஜ் கெய்க்வாட், ஷ்ரேயாஸ் ஐயர், இஷான் கிஷன், சூர்யகுமார் யாதவ், ரவீந்திர ஜடேஜா (துணை கேப்டன்) , ஷர்துல் தாக்கூர், பும்ரா, முகமது சிராஜ், முகமது ஷமி, திலக் வர்மா, பிரசித் கிருஷ்ணா, ரவிச்சந்திரன் அஸ்வின், வாஷிங்டன் சுந்தர் ஆகியோர் இடம் பெற்றுள்ளனர்.
3வது ஒருநாள் போட்டிக்கான அணியில் கேப்டன் ரோஹித் சர்மா, ஷுப்மான் கில், ஷ்ரேயாஸ் ஐயர், கே.எல்.ராகுல், இஷான் கிஷன், சூர்யகுமார் யாதவ், ரவீந்திர ஜடேஜா, ஷர்துல் தாக்கூர், பும்ரா, முகமது சிராஜ், முகமது ஷமி, ஹர்திக் பாண்டியா, விராட் கோலி, குல்தீப் யாதவ், அக்சர் படேல், ரவிச்சந்திரன் அஷ்வின், வாஷிங்டன் சுந்தர் ஆகியோர் இடம் பெற்றுள்ளனர்.
சென்னை : நேற்று காலை வடக்கு வங்கக்கடல் பகுதிகளில் நிலவிய காற்றழுத்த தாழ்வு பகுதி, மேற்கு-வடமேற்கு திசையில் நகர்ந்து, மாலை ஆழ்ந்த…
மான்செஸ்டர் : இந்திய கிரிக்கெட் அணியின் விக்கெட் கீப்பர்-பேட்ஸ்மேன் ரிஷப் பண்ட், இங்கிலாந்துக்கு எதிரான மான்செஸ்டரில் நடைபெறும் நான்காவது டெஸ்ட்…
சென்னை : இன்ஸ்டாகிராம் பிரபலமான இலக்கியா, ஜூலை 24, 2025 அன்று சென்னையில் தற்கொலை முயற்சியில் ஈடுபட்டதாகவும், இதற்கு தமிழ்…
சென்னை : திருவள்ளூர் மாவட்டம், கும்மிடிப்பூண்டி அருகே ஆரம்பாக்கத்தில், கடந்த ஜூலை 12, 2025 அன்று 8 வயது சிறுமி பள்ளி…
சென்னை : பாட்டாளி மக்கள் கட்சி (பா.ம.க.) நிறுவனர் டாக்டர் ராமதாஸின் வாழ்க்கை வரலாறு, இயக்குநர் சேரன் இயக்கத்தில் ‘அய்யா’…
பீகார் : மாநிலத்தில் வாக்காளர் பட்டியல் சிறப்பு தீவிர திருத்தப் பணியின் கீழ், இந்திய தேர்தல் ஆணையம் 65.20 லட்சம்…
