கேமரா லென்ஸை உடைத்த நிதிஷ் ராணா…!

நேற்றைய போட்டியில் கொல்கத்தா வீரர் நிதிஷ் ராணா மைதானத்தில் இருந்த கேமரா லென்ஸை உடைத்தார்.

நேற்றைய தினத்தின் 2-வது போட்டியில் கொல்கத்தா நைட் ரைடர்ஸ், சன்ரைசர்ஸ் ஹைதராபாத் ஆகிய இரு அணிகள் மோதியது. இந்த போட்டியில் டாஸ் வென்ற ஹைதராபாத் அணி முதலில் பேட்டிங்கை தேர்வு செய்தது.  முதலில் இறங்கிய ஹைதராபாத் 20 ஓவர் முடிவில் 8 விக்கெட் இழந்து 115 ரன்கள் எடுத்தனர்.

அடுத்து களம் கண்ட கொல்கத்தா அணி 19.4 ஓவர் முடிவில் 4 விக்கெட் இழந்து 119 ரன்கள் எடுத்து 6 விக்கெட் வித்தியாசத்தில் வெற்றி பெற்றது. இந்நிலையில், இப்போட்டியில் கொல்கத்தா வீரர் நிதிஷ் ராணா மைதானத்தில் இருந்த கேமரா லென்ஸை உடைத்தார்.

நேற்றைய போட்டியில் 18-வது ஓவரை ஹைதராபாத் அணி வீரர் ஹோல்டர் வீசினார். அந்த ஓவரின் 4 -வது பந்தை ஹோல்டர் வீசியபோது அதை கொல்கத்தா வீரர் நிதிஷ் ராணா தூக்கி அடித்து பவுண்டரி சென்றது. அப்போது பவுண்டரி லைனில் இருந்த கேமராவில் பந்து அடித்து கேமரா லென்ஸ் உடைந்தது. இந்த வீடியோ தற்போது இணையத்தளத்தில் வைரலாக பரவி வருகிறது.