GalaxyZFlip5
சாம்சங் நிறுவனம் கடந்த ஜூலை மாதம் 26ம் தேதி சாம்சங் கேலக்ஸி இசட் ஃபிளிப் 5 மற்றும் கேலக்ஸி இசட் ஃபோல்ட் 5 என்ற ஸ்மார்ட்போன்களை உலக அளவில் அறிமுகம் செய்தது. இதில் கேலக்ஸி இசட் ஃபிளிப் 5 ஆனது ஆரம்பத்தில் மின்ட், கிராஃபைட், கிரீம் மற்றும் லாவெண்டர் என நான்கு வண்ணங்களில் விற்பனை செய்யப்பட்டது.
இதன்பிறகு கேலக்ஸி இசட் ஃபிளிப் 5 ஸ்மார்ட்போனை புதிய மஞ்சள் நிறத்தில் அக்டோபர் 17ம் தேதி அறிமுகம் செய்ய உள்ளதாக டீசர் ஒன்றைப் பகிர்ந்து சாம்சங் தெரிவித்திருந்தது. அதன்படி, கேலக்ஸி இசட் ஃபிளிப் 5 ஸ்மார்ட்போனின் மஞ்சள் நிற வேரியண்ட் அறிமுகம் ஆகியுள்ளது.
இந்த ஸ்மார்ட்போனின் ஒரு பகுதி மஞ்சள் நிறத்திலும், மற்றொரு பகுதி கருப்பு நிறத்திலும் இருக்கும். இது ஏற்கனவே மலேசியாவில் விற்பனையாகி வரும் நிலையில், தற்போது இந்தியாவில் அறிமுகமாகியுள்ளது.
டிஸ்பிளே
கேலக்ஸி இசட் ஃபிளிப் 5 ஆனது 2640 x 1080 பிக்சல்கள் ரெசல்யூஷன் மற்றும் 120 ஹெர்ட்ஸ் ரெஃப்ரெஷ் ரேட் கொண்ட 6.7 இன்ச் (17.03 செ.மீ) எஃப்எச்டி பிளஸ் டைனமிக் அமோலெட் மெயின் டிஸ்ப்ளேவைக் கொண்டுள்ளது.
அதோடு 60 ஹெர்ட்ஸ் ரெஃப்ரெஷ் ரேட் மற்றும் 720 x 748 ரெசல்யூஷன் கொண்ட 3.4 (8.61 செ.மீ) இன்ச் அளவுள்ள சூப்பர் அமோலெட் கவர் டிஸ்ப்ளே உள்ளது. கொரில்லா கிளாஸ் விக்டஸ் 2 பாதுகாப்பு உள்ள இந்த டிஸ்பிளே, 1,600 நிட்ஸ் வரையிலான பிரைட்னஸை கொண்டுள்ளது.
பிராசஸர்
இசட் ஃபிளிப் 5 ஸ்மார்ட்போனில் அட்ரினோ 740 ஜிபியு உடன் இணைக்கப்பட்ட குவால்காம் ஸ்னாப்டிராகன் 8 ஜென் 2 சிப்செட் ஆனது பொருத்தப்பட்டுள்ளது. இதில் ஆன்ட்ராய்டு 13 அடிப்படையில் இயங்கக்கூடிய ஒன் யுஐ 5 உள்ளது. கைரோஸ்கோப் சென்சார், ஜியோமேக்னடிக் சென்சார், ஹால் சென்சார், லைட் சென்சார், ப்ராக்ஸிமிட்டி சென்சார் போன்ற சென்சார்கள் உள்ளன.
கேமரா
இதன் பின்புறத்தில் 12 எம்பி மெயின் கேமரா மற்றும் ஆப்டிகல் இமேஜ் ஸ்டெபிலைசேஷனுடன் (OIS) கூடிய 12 எம்பி கேமரா பொருத்தப்பட்டுள்ளது. அதோடு செல்ஃபிக்காக 10 எம்பி கேமரா உள்ளது. பிக்ஸ்பி விஷன், பனோரமா, ஹைப்பர்லேப்ஸ், போர்ட்ரெய்ட், போர்ட்ரெய்ட் வீடியோ, புரோ, புரோ வீடியோ, சிங்கிள் டேக், ஸ்லோ மோஷன், சூப்பர் ஸ்லோ-மோ என பல அம்சங்கள் உள்ளன.
பேட்டரி
187 கிராம் எடையுள்ள இந்த ஸ்மார்ட்போனில் 3,700 mAh திறன் கொண்ட லித்தியம் அயன் பேட்டரி பொருத்தப்பட்டுள்ளது. இந்த பேட்டரியை வேகமாக சார்ஜ் செய்ய யுஎஸ்பி டைப்-சி போர்டுடன் கூடிய 25 வாட்ஸ் ஃபாஸ்ட் சார்ஜிங் வசதி உள்ளது.
ஸ்டோரேஜ் மற்றும் விலை
இந்த புதிய மஞ்சள் நிற சாம்சங் கேலக்ஸி இசட் ஃபிளிப் 5 ஆனது 8 ஜிபி + 256 ஜிபி ரேம் மற்றும் 8 ஜிபி மற்றும் 512 ஜிபி ரேம் என இரண்டு வேரியண்ட்கள் உள்ளது. இதில் 256 ஜிபி வேரியண்ட் இந்தியாவில் ரூ.99,999 என்ற விலையிலும், 512 ஜிபி வேரியண்ட் ரூ.1,09,999 என்ற விலையிலும் விற்பனையாகிறது. இதனை சாம்சங் ஸ்டோர் மற்றும் ஃபிளிப்கார்ட்டில் வாங்கிகொள்ளல்லாம்.
சலுகை
இதில் சலுகையாக எச்டிஎஃப்சி பேங்க் கிரெடிட் அல்லது டெபிட் கார்டுகளை பயன்படுத்தி வாங்குபவர்களுக்கு ரூ.7,000 வரை உடனடி தள்ளுபடி வழங்கப்படும். எக்ஸ்சேஞ்ச் போனஸாக ரூ.7,000 வரை தள்ளுபடி வழங்கப்படும். ஒரு வருடத்திற்கான வாரண்டி மற்றும் ஒரு வருடத்திற்கான ஸ்கிரீன் புரொடக்ஷன் வசதியும் உள்ளது. மேலும், மாதத்திற்கு ரூ. 4583.29 என்கிற கணக்கில் நோ காஸ்ட் இஎம்ஐ வசதியும் உள்ளது.
டெல்லி : பாகிஸ்தான் மற்றும் பாகிஸ்தான் ஆக்கிரமிப்பு காஷ்மீரில் இன்று (மே 07) இலக்குகளைக் குறிவைத்து ராணுவ தாக்குதல்களை மேற்கொண்டுள்ளோம்" என்று…
காஷ்மீர் : 'ஆபரேஷன் சிந்தூர்' என்ற பெயரில் பாகிஸ்தான் ஆக்கிரமிப்பு காஷ்மீரிலுள்ள பயங்கரவாத முகாம்களை துல்லியமாக தாக்கியது. மே 7,…
டெல்லி : சிந்தூர் ஆபரேஷனை தொடர்ந்து இந்தியாவின் எல்லையோர மாநிலங்களில் பதற்றம் அதிகரித்து வருகிறது. இந்த நிலையில், எல்லையோரங்களை சேர்ந்த…
இஸ்லாமாபாத் : பஹல்காம் தாக்குதலுக்கு பதிலடி கொடுக்கும் விதமாக இன்று அதிகாலை 1 மணியளவில் இந்திய ராணுவம், பாகிஸ்தான் மற்றும்…
டெல்லி : விண்வெளி தொடர்பான உலகளாவிய மாநாடிற்காக பிரதமர் நரேந்திர மோடி வீடியோ ஒன்றை பதிவிட்டுள்ளார். அந்த வீடியோவில் இந்திய…
டெல்லி : இந்திய ராணுவம் பாகிஸ்தான் மற்றும் பாகிஸ்தான் ஆக்கிரமிப்பு பகுதிகளில் உள்ள பயங்கரவாதிகள் முகாம்களில் இன்று அதிகாலை நடத்திய…
