ஸ்டைலிஷ் லுக்குடன் “Nothing”-ன் அடுத்த அவதாரம்.! இந்தியாவில் எப்போது அறிமுகம்?

Nothing Phone 2 [file image]

நத்திங் ஃபோன் 2 (5ஜி போன்) வெளியீட்டுத் தேதி இறுதியாக அதிகாரப்பூர்வமாக ஜூலை 11 ஆம் தேதி, இந்தியா மற்றும் உலகளவில் விற்பனைக்கு வருகிறது. 

ஸ்மார்ட்போன் தயாரிப்பாளரான நத்திங் டெக்னாலஜி அதன் ஸ்மார்ட்போனின் வெளிப்படையான பின்புறத்தைக் கொண்டு மக்களை பெருமளவில் கவர்ந்துள்ளது. நிறுவனத்தின் நத்திங் போன் 1 (Nothing Phone 1) அறிமுகமானது பயனர்களிடையே அதிக பரபரப்பைக் கண்டாலும், கேமராவின் தரம் போன்ற வழக்கமான சிக்கல்களை சந்தித்தது.

அதனை பூர்த்தி செய்யும் விதமாக நத்திங் போன் 2 (Nothing Phone 2) ஸ்மார்ட்போன் இந்தியாவில் அறிமுகமாக உள்ளதை அந்த நிறுவனம் ஏற்கெனவே உறுதிப்படுத்தியிருந்தது. இந்நிலையில், நத்திங் போன் 2 ஸ்மார்ட்போன் வரும் ஜூலை மாதம் 11ம் தேதி உலக அளவில் அறிமுகப்படுத்தபடும் என்று அந்நிறுவனம் அதிகாரப்பூர்வமாக அறிவித்துள்ளது.

தற்பொழுது, வரவிருக்கும் நத்திங் போன் 2 ஸ்மார்ட்போனில் என்னென்ன சிறப்பு அம்சங்களை எதிர்பார்க்கலாம் என்ற தகவல்கள்களை காணலாம்.

• நத்திங் போன் 1-ல் உள்ள அம்சங்கள் போலவே சில அம்சங்களை தவிர்த்து நத்திங் போன் 2 ஸ்மார்ட்போனிலும் இருக்கும் என்று எதிர்பார்க்கப்படுகிறது.
• இந்தியாவில் நத்திங் போன் 1-ன் ஆரம்ப விலை ரூ.32,999 என அறிவிக்கப்பட்டது. நத்திங் போன் 2- விலை ரூ.40,000-க்குள் இருக்கும் என எதிர்பார்க்கப்படுகிறது.
• இதில் குவால்காம் ஸ்னாப்டிராகன் 8+ ஜென் 1 SoC (Qualcomm Snapdragon 8+ Gen 1 SoC) என்ற உயர்தர சிப் பயன்படுத்துவதால், நத்திங் போன் 2 போனின் விலை, முதல் போனை விட அதிகமாக இருக்கும்.
• நத்திங் போன் 1-ல் பயன்படுத்தப்பட்டிருக்கும் 4,500mAh பேட்டரியை விட, நத்திங் போன் 2 ஸ்மார்ட்போன் 4,700mAh பேட்டரியைக் கொண்டிருக்கும்.
• நத்திங் போன் 2 ஸ்மார்ட்போன் வடிவமைப்பை இதுவரை நிறுவனம் வெளியிடவில்லை, எனவே இது முக்கிய சிறப்பம்சங்களில் ஒன்றாக இருக்கலாம்.
• மேலும் OnePlus ஸ்மார்ட்போனில் அதே Snapdragon 8+ Gen 1 SoC உள்ளது என்பது குறிப்பிடத்தக்கது.