நாங்க வேற மாறி…உலகம் முழுவதும் வெளியான AK-வின் “வலிமை”…!

நடிகர் அஜித் நடித்துள்ள வலிமை திரைப்படம் தமிழகம் உட்பட உலகம் முழுவதும் நான்கு மொழிகளில் வெளியானது.

இயக்குனர் H.வினோத் இயக்கத்தில் நடிகர் அஜித்குமார் நடிப்பில் வலிமை திரைப்படம் உருவாகியுள்ளது.போனி கபூர் தயாரித்துள்ள இந்த படத்திற்கு நீரவ் ஷா ஒளிப்பதிவு செய்துள்ளார். மேலும், இசையமைப்பாளர் யுவன் சங்கர் ராஜா இசையமைத்துள்ளார். இதனிடையே, இந்த படத்தின் டீசர், சிங்கிள் பாடல்கள் ஏற்கனவே வெளியாகி மக்கள் மத்தியில் நல்ல வரவேற்பை பெற்ற நிலையில், படத்தின் ட்ரைலர் சமீபத்தில் வெளியாகி பெரும் வரவேற்பை பெற்றது.

இதனையடுத்து,அஜித்குமார் ரசிகர்களுக்கு இரண்டரைவருட காத்திருப்பிற்கு பலனாக ஜனவரி 13-ஆம் தேதி “வலிமை” திரைப்படம் திரையரங்குகளில் வெளியாக இருந்த நிலையில்  கொரோனா அச்சுறுத்தல் காரணமாக “வலிமை” திரைப்படத்தின் ரிலீஸ் தேதி தள்ளி வைக்கப்பட்டது.

இதனால்,வலிமை திரைப்படத்தை ரசிகர்கள் உள்ளிட்ட அனைவரும் திரையில் பார்ப்பதற்கு எதிர்பார்த்து காத்துகொண்டிருந்தார்கள்.இந்நிலையில்,நடிகர் அஜித் நடித்துள்ள வலிமை திரைப்படம் தமிழகம் உட்பட உலகம் முழுவதும் நான்கு மொழிகளில் வெளியானது.அதன்படி,தமிழகத்தில் 900-க்கும் அதிகமான திரையங்குகளில் ரிலீஸ் ஆன நிலையில் இன்று அதிகாலை 4 மணிக்கு தொடங்கிய முதல்காட்சியை ரசிகர்கள் மிகுந்த ஆர்வத்துடனும்,உற்சாகத்துடனும் கண்டுகளித்துள்ளனர்.

சுமார் இரண்டரை ஆண்டுகளுக்கு பிறகு தியேட்டர்களில் அஜித் படம் வெளியாகியுள்ளதால் பட்டாசு வெடித்து,பைக் சாகசம் செய்து ஆட்டம்பாட்டத்துடன் ரசிகர்கள் கொண்டாடி வருகின்றனர்.