அண்ணாத்த திரைப்படத்தின் அப்டேட்..!

சிறுத்தை சிவாவுக்கு உடனடியாக படப்பிடிப்பை தொடங்க உத்தரவிட்டுள்ளது சன் பிக்சர்ஸ் நிறுவனம்.

சூப்பர் ஸ்டார் ரஜினிகாந்த் தற்போது அண்ணாத்த படத்தில் நடித்து வருகிறார். சிறுத்தை சிவா இயக்கத்தில் சன் பிக்சர்ஸ் நிறுவனம் தயாரிக்கும் இந்தப் படத்தில் கீர்த்தி சுரேஷ், நயன்தாரா, குஷ்பு, மீனா உள்ளிட்ட பல பிரபலங்கள் நடிக்கவுள்ளனர். மேலும் நகைச்சுவை வேடங்களில் சூரி மற்றும் சதீஷ் நடிக்கவுள்ளனர்.டி. இமான் முதல்முறையாக ரஜினிகாந்த் படத்திற்கு இசையமைக்கிறார்.

இந்நிலையில் மேலும் சமீபத்தில் இந்த படத்தின் டைட்டில் தீம் வெளியாகி ரசிகர்கள் மத்தியில் பெரும் வரவேற்பைப் பெற்றது. ஐதராபாத்தில் விறுவிறுப்பாக நடந்து வந்த படப்பிடிப்பு கொரோனா வைரஸ் காரணமாக ரத்து செய்யப்பட்டது. சமீபத்தில் ரஜினி படத்தில் இருந்து விலகியதாக வெளியான தகவலுக்கு படக்குழுவினர் பொய் என்று கூறி முற்றுப்புள்ளி வைத்தனர்.

இந்த நிலையில் 50% படப்பிடிப்புகள் மட்டுமே மீதமிருக்கும் நிலையில் ரஜினியின் உடல்நிலை கருதி படத்தை பிறகு எடுத்துக் கொள்ளலாம் என முதலில் நினைத்தனர். ஆனால் தற்போது சிறுத்தை சிவாவுக்கு உடனடியாக படப்பிடிப்பை தொடங்க உத்தரவிட்டுள்ளது சன் பிக்சர்ஸ் நிறுவனம். ரஜினி இல்லாத காட்சிகளை உடனடியாக எடுக்க படக்குழு முடிவு செய்துள்ளதாக தகவல்கள் வெளியாகியுள்ளது.