இரண்டாவது முறையாக தளபதியுடன் ஜோடி சேரும் பிரபல நடிகை.!
தளபதி-65ல் விஜய்க்கு ஜோடியாக தமன்னா அவர்களை நடிக்க வைக்க பேச்சுவார்த்தை நடத்தி வருவதாக தகவல்கள் வெளியாகியுள்ளன.
தளபதி விஜய் தற்போது லோகேஷ் கனகராஜ் இயக்கத்தில் மாஸ்டர் என்னும் திரைப்படத்தில் நடித்து முடித்துள்ளார். விரைவில் இந்த படம் வெளியாகும் என்று எதிர்பார்க்கப்படுகிறது. இந்த நிலையில் இவரது அடுத்த படம் குறித்த பல தகவல்கள் வெளிவந்து கொண்டிருக்கிறது.
தளபதியின் 65வது படத்தை நான்காவது முறையாக முருகதாஸ் அவர்கள் இயக்க உள்ளதாகவும், சன் பிக்சர்ஸ் நிறுவனம் தயாரிப்பதாகவும், அதற்கான அனைத்து ஒப்பந்தங்களிலும் கையெழுத்திட்டுள்ளதாகவும் அதிகாரப்பூர்வ அறிவிப்பு வெளியானது. மேலும் சந்தோஷ் சிவன் ஒளிப்பதிவு செய்வதாகவும், எஸ். தமன் இசையமைக்கவுள்ளதாகவும் தகவல்கள் வெளியாகியுள்ளன தற்போது ரசிகர்களின் ஒரே கேள்வி ஹீரோயின் யார் என்பது தான்.பல நடிகர்களின் பெயர்கள் அடிப்பட்ட நிலையில் தற்போது பிரபல நடிகை தமன்னா விஜய்க்கு ஜோடியாக நடிக்கவுள்ளதாகவும், அதற்கான பேச்சுவார்த்தை நடந்து வருவதாகவும் தகவல்கள் வெளியாகியுள்ளன. விஜய் மற்றும் தமன்னா இருவரும் இணைந்து ஏற்கனவே சுறா படத்தில் நடித்திருந்தது குறிப்பிடத்தக்கது.
