சைலண்டாக ரசிகர்களுடன் சேர்ந்து மாஸ்டர் ஃபர்ஸ்ட் ஷோ பார்த்த தளபதி!

விஜய் ரசிகர்களுடன் சேர்ந்து அமர்ந்து திரையரங்கில் மாஸ்டர் படம் பார்பரா என எதிர்பார்க்கப்பட்ட நிலையில், சைலண்டாக விஜய் இன்று காலை 7 மணிக்கு ஃபர்ஸ்ட் ஷோ பார்த்துள்ளதாக தகவல்கள் வெளியாகியுள்ளது. 

இயக்குனர் லோகேஷ் கனகராஜ் அவர்களின் இயக்கத்தில் நடிகர் விஜய் அவருக்கு ஜோடியாக மாளவிகா மோஹனன் மற்றும் வில்லனாக விஜய் சேதுபதி நடித்து பொங்கலுக்கு முன்தினம் வெளியாகிய மாஸ்டர் திரைப்படம் விஜய் ரசிகர்கள் மத்தியில் நல்ல வரவேற்பை பெற்றுள்ளது. ரசிகர்கள் மட்டுமல்லாமல் பல திரையுலகினை சேர்ந்த பிரபலங்களும் விஜயின் மாஸ்டர் படத்தினை பார்த்துவிட்டு படம் நன்றாக இருக்கிறது என புகழ்ந்து வருகின்றனர்.

இந்நிலையில், எந்த நடிகரின் படங்கள் திரைக்கு வந்தாலும் அந்த நடிகர் ரசிகர்களுடன் இணைந்து திரையரங்கில் படம் பார்க்க வேண்டுமென ரசிகர்கள் விரும்புவது போல, விஜயின் ரசிகர்களும் ஆர்வத்துடன் மாஸ்டர் பட இயக்குனர் லோகேஷிடம் கேள்வி எழுப்பி வந்தனர். லோகேஷ் கனகராஜும் விஜயிடம் இது குறித்து பேசுவதாக கூறியிருந்தார். இந்நிலையில், இன்று சென்னை அண்ணா நகரில் உள்ள தேவி திரையரங்கில் காலை 7 மணி ஃபர்ஸ்ட் ஷோவுக்கு விஜய் வந்ததாகவும், ரசிகர்களுடன் அமர்ந்து படம் பார்த்து சென்றதாகவும் கூறப்படுகிறது. மேலும் இது குறித்த சிசிடிவி காட்சிகளும் வெளியிடப்பட்டுள்ளதாம். சைலண்டாக விஜய் வந்து தனது படத்தை பார்த்து சென்றுள்ளது ரசிகர்கள் மத்தியில் சந்தோஷத்தை ஏற்படுத்தியுள்ளது.