அமெரிக்க அதிபர் டொனால்ட் டிரம்பின் மூத்த மகனுக்கு கொரோனா தொற்று உறுதி.!

அமெரிக்க அதிபர் டொனால்ட் டிரம்பின் மூத்த மகனுக்கு கொரோனா தொற்று உறுதி செய்யப்பட்டுள்ளது.

அமெரிக்க அதிபர் டொனால்ட் டிரம்பின் மூத்த மகனான டொனால்ட் டிரம்ப் ஜுனியருக்கு கொரோனா தொற்று உறுதி செய்யப்பட்டுள்ளது. இந்த வார தொடக்கத்தில் கொரோனா தொற்றுக்கான பரிசோதனை செய்த போது தொற்று உறுதி செய்யப்பட்டுள்ளது . இதனால் மருத்துவர்களின் பரிந்துரையின் படி அனைத்து கொரோனா வழிக்காட்டு நெறிமுறைகளையும் பின்பற்றி 42 வயதான டொனால்ட் டிரம்ப் ஜூனியர் தனது அறையில் தனிமைப்படுத்தி வருவதாக செய்தி தொடர்பாளர் தெரிவித்துள்ளார்.

அவரை தொடர்ந்து வெள்ளை மாளிகையின் உதவியாளரும் ,அதிபரின் தனிப்பட்ட வழிக்கறிஞருமான ரூடி கியூலியானியின் மகனான ஆண்ட்ரூ கியூலியானி தனக்கு கொரோனா தொற்று உறுதி செய்யப்பட்டுள்ளதாக வெள்ளிக்கிழமை அறிவித்தது குறிப்பிடத்தக்கது . ஏற்கனவே டொனால்ட் டிரம்ப், அவரது மனைவி மெலனியா டிரம்ப்,அவரது இளைய மகன் பாரன் டிரம்ப் மற்றும் மூத்த மகனின் காதலி கிம்பர்லி ஆகியோர் கொரோனா தொற்றால் பாதிக்கப்பட்டு குணமடைந்தது குறிப்பிடத்தக்கது.