உலக அளவில் பாரிஸ் ஜெயராஜ் எத்தனை கோடி வசூல் தெரியுமா..?

சந்தானம் நடிப்பில் வெளியான பாரிஸ் ஜெயராஜ் படம் உலகளவில் 8.02 கோடி வசூல் செய்துள்ளதாக தகவல்கள் வெளியாகியுள்ளது.

இயக்குனர் ஜான்சன் கே இயக்கத்தில் சந்தானம் நடிப்பில் கடந்த 12ஆம் தேதி வெளியான திரைப்படம் பாரிஸ் ஜெயராஜ். இந்த திரைப்படத்தில் சந்தானத்திற்கு ஜோடியாக நடிகை அனைகா சோடி மற்றும் சாஷ்டி ராஜேந்திரா ஆகியோர் நடித்துள்ளனர்.லார்க் ஸ்டுடியோஸ் நிறுவனம் தயாரிக்கும் இந்தப் படத்திற்கு சந்தோஷ் நாராயணன் இசையமைத்துள்ளார். சிறந்த காமெடி படமாக உருவாகியுள்ள இந்த திரைப்படம் ரசிகர்களுக்கு மத்தியில் பலத்த வரவேற்பை பெற்று வருகிறது.

இந்த நிலையில் தற்போது இந்த திரைப்படம் வெளியாகி 30 நாட்களிற்கும் மேலாக பல திரையரங்குகளில் வெற்றிகரமாக ஓடிவருகிறது. இதனை தொடர்ந்து இந்த திரைப்படம் உலகம் முழுவதும் எத்தனை கோடி வசூல் செய்துள்ளது என்ற தகவலை பார்ப்போம். ஆம் வெளியான நாள் முதல் தற்போது வரை இந்த படம் உலகளவில் 8.02 கோடி வசூல் செய்துள்ளதாக தகவல்கள் வெளியாகியுள்ளது.