தல சரி சொன்னால் 10 படங்களில் கூட வில்லனாக நடிக்கிறேன் – மக்கள் செல்வன்.!

அஜித் சார் சரி என்றால் ஒரு படம் என்ன 10 படங்களில் கூட வில்லனாக நடிக்கிறேன் என்று நடிகர் விஜய் சேதுபதி கூறியுள்ளார். 

தமிழ் சினிமாவின் தவிர்க்க முடியாத நடிகர்களில் ஒருவராக நடிகர் விஜய் சேதுபதி இருக்கிறார். தற்போது விக்ரம், மும்பைகர், விடுதலை, காத்துவாக்குல ரெண்டு காதல், போன்ற பல திரைப்படங்களில் நடித்து வருகிறார். ஹீரோவாக மட்டும் நடிக்காமல் பல திரைப்படங்களில் வில்லனாக நடித்து அசத்தி வருகிறார்.

தமிழ் சினிமாவின் முன்னணி நடிகர்களான, ரஜினி, விஜய், மாதவன், போன்ற நடிகர்களுக்கு வில்லனாக நடித்துள்ளார். தற்போது நடிகர் கமல் ஹாசனுக்கு வில்லனாக விக்ரம் படத்தில் நடித்து வருகிறார்.

இந்நிலையில், அஜித்திற்கு எப்போது வில்லனாக நடிப்பார் என்று ரசிகர்கள் காத்துள்ள நிலையில், சமீபத்தில் ஊடகத்திற்கு பேட்டியளிக்கும் போது அவரிடம் தலயுடன் எப்போது நடிப்பீர்கள் என்று கேட்டதற்கு அவர் கூறியது “எனக்கு எந்தவிதமான ஈகோவும் கிடையாது அஜித் சார் சரி என்றால் ஒரு படம் என்ன 10 படங்களில் கூட அவருக்கு வில்லனாக நடிக்கிறேன்”