#RIPVijayakanth : தேமுதிக தலைவர் விஜயகாந்த் காலமானார்.! அரசியல் தலைவர்கள் இரங்கல்.!

Vijayakanth [File Image]

தேமுதிக தலைவர் விஜயகாந்த் கடந்த சில ஆண்டுகளாகவே உடல்நலக்குறைவால் பாதிக்கப்பட்டு தொடர் மருத்துவ சிகிக்சை பெற்று வந்தார். கடந்த மாதம் 18-ஆம் தேதி காய்ச்சல், சளி, இருமல் ஆகியவற்றால் பாதிக்கப்பட்டு விஜயகாந்த் சென்னை நந்தம்பாக்கத்தில் உள்ள தனியார் மருத்துவமனையில் சிகிச்சை பெற்று ஓரிரு நாளில் வீடு திரும்பினார்.

இதைத்தொடர்ந்து, நேற்று மீண்டும் உடல்நல குறைவு ஏற்பட்டு தனியார் மருத்துவமனையில் தேமுதிக தலைவர் விஜயகாந்த் அனுமதிக்கப்பட்டார். வழக்கமான பரிசோதனைக்காக மருத்துவமனை அழைத்து வரப்பட்டுள்ளார் எனவும், பரிசோதனை முடிந்து 2 நாட்களில் வீடு திரும்புவார் எனவும் கூறப்பட்ட நிலையில், தீவிர சிகிச்சைப்பிரிவில் அனுமதிக்கப்பட்ட தேமுதிக தலைவர் விஜயகாந்த் சிகிச்சை பலனின்றி இன்று காலை உயிரிழந்தார் என அறிவிக்கப்பட்டது.

இவரது மறைவுக்கு அரசியல் தலைவர் , சினிமா பிரபலங்கள் என பலரும் தங்கள் இரங்கலை தெரிவித்து வருகின்றனர். முதல்வர் மு.க.ஸ்டாலின் இரங்கல் தெரிவித்து, விஜயகாந்த் உடலுக்கு அரசு மரியாதை அளிக்கப்படும் என அறிவித்துள்ளார். எதிர்க்கட்சி தலைவர் எடப்பாடி பழனிசாமியும் தனது டிவிட்டர் பக்கத்தில் இரங்கல் செய்தியை அறிவித்துள்ளார். விஜயகாந்த் மறைவு குறித்து பிரதமர் மோடியும் இரங்கல் தெரிவித்துள்ளார்.