கர்ணன் திரைப்படத்தின் புதிய அப்டேட்…. கலைப்புலி தாணு ட்வீட்..!

இயக்குனர் மாரி செல்வராஜ் இயக்கத்தில் நடிகர் தனுஷ் நடிப்பில் உருவாகியுள்ள கர்ணன் படத்தின் புதிய அப்டேட் நாளை வெளியாகும் என்று படத்தின் தயாரிப்பாளர் கலைப்புலி தாணு தனது ட்வீட்டர் பக்கத்தில் அறிவித்துள்ளார்.

இயக்குனர் மாரி செல்வராஜ் இயக்கத்தில் நடிகர் தனுஷ் நடித்துள்ள புதிய தமிழ் திரைப்படம் கர்ணன். இசையமைப்பாளர் சந்தோஷ் நாராயணன் இசையமைத்துள்ள இந்த படத்தை கலைப்புலி தாணு அவர்கள் தயாரித்துள்ளார். இந்த படத்தில் தனுஷுக்கு ஜோடியாக நடிகை ராஜீஷா விஜயன் நடித்துள்ளார். மேலும் இவர்களுடன் யோகி பாபு மற்றும் லாலு ஆகியோரும் முக்கியமான கதாபாத்திரத்தில் நடித்துள்ளனர். கடந்த ஆண்டே இந்த படத்திற்கான படப்பிடிப்புகள் முடிவடைந்து விட்டது.

இந்நிலையில், படத்திற்கான ஃபர்ஸ்ட் லுக் போஸ்டர் விரைவில் வெளியாகும் என கூறப்பட்ட நிலையில், தற்போது இந்த படத்தின் புதிய அப்டேட்  ஒன்று நாளை வெளியாகும் என்று படத்தின் தயாரிப்பாளர் கலைப்புலி தாணு தனது ட்வீட்டர் பக்கத்தில் அறிவித்துள்ளார். இதனால் தனுஷ் ரசிகர்கள் உற்சாகத்துடன் உள்ளார்கள்.