சமந்தாவின்’ஷகுந்தலம்’படத்தின் பூஜை இன்று.!

சமந்தா நடிப்பில் உருவாகவுள்ள ஷகுந்தலம் படத்தின் பூஜை இன்று நடைபெற்றுள்ளது.

தமிழ், தெலுங்கு ஆகிய மொழிகளில் பிரபல நடிகையாக வலம் வருபவர் நடிகை சமந்தா.தற்போது விக்னேஷ் சிவன் இயக்கத்தில் விஜய் சேதுபதி, நயன்தாரா நடிப்பில் உருவாகும் ‘காத்து வாக்குல ரெண்டு காதல்’ படத்தில் நடித்து வருகிறார் சமந்தா . அதனுடன் ‘ஷகுந்தலம்’ எனும் புராண படத்திலும் சமந்தா நடிக்கவுள்ளார்.

மகாபாரதத்தில் உள்ள சாகுந்தலம் என்ற புராணக் கதையை அடிப்படையாகக் கொண்டு உருவாகும் ‘ஷகுந்தலம்’ படத்தினை அனுஷாவின் ருத்ரமாதேவி படத்தினை இயக்கிய குணசேகர் இயக்குகிறார்.சாகுந்தலா தேவிக்கும், துஷ்யந்தனுக்கும் இடையேயான காதலை கூறும் ஷகுந்தலம் படத்தில் சகுந்தலை கேரக்டரில் சமந்தாவும் ,துஷ்யந்தன் கேரக்டரில் இளம் நடிகர் தேவ் மோகனும் நடிக்க உள்ளனர்.

ஐதராபாத்தில் மார்ச் 20-ம் தேதி முதல் ஷகுந்தலம் படத்தின் படப்பிடிப்பு தொடங்க உள்ளதாக கூறப்பட்டிருந்த நிலையில் இன்று ஷகுந்தலம் படத்தின் பூஜை மற்றும் அதிகாரப்பூர்வ அறிவிப்பு அறிவிக்கப்பட்டுள்ளது.இந்த நிகழ்வில் சமந்தா ,தேவ் மோகன் உள்ளிட்ட பலர் கலந்து கொண்டுள்ளனர்.அந்த புகைப்படங்கள் சமூக வலைத்தளங்களில் மிகவும் வைரலாகி வருகிறது.