சனம் ஷெட்டி வாட்ஸ் ஆப் எண்ணிற்கு ஆபாசமாக மெசேஜ் அனுப்பிய இளைஞர் கைது ..!

நடிகை சனம் ஷெட்டி வாட்ஸ் ஆப் எண்ணிற்கு ஆபாசமாக மெசேஜ் அனுப்பிய திருச்சியை சேர்ந்த இளைஞர் கைது செய்யப்பட்டுள்ளார். 

தமிழ் சினிமாவில் அம்புலி, விலாசம், திருட்டு பயலே, குறுதிக்காலம் உள்ளிட்ட படங்களில் நடித்தவர் சனம் ஷெட்டி இந்த படங்களை தொடர்ந்து பிக் பாஸ் 4 வது சீசன் நிகழ்ச்சியின் மூலம் ரசிகர்களுக்கு மத்தியில் மிகவும் பிரபலமானார். தற்போது சில திரைப்படங்களிலும் கமிட் ஆகியுள்ளார்.

இந்நிலையில், நடிகர் சனம் ஷெட்டியின் வாட்ஸ் ஆப் மற்றும் இன்ஸ்டாகிராம் மூலம் மர்ம நபர் ஒருவர் ஆபாச புகைப்படங்களை அனுப்பியதாக சனம் ஷெட்டி சைபர் க்ரைம் போலீசில் புகார் அளித்தார். நடிகை கொடுத்த புகாரில் அடையாறு சைபர் கிரைம் போலீசார் அந்த மர்ம நபரின் வாட்ஸ்-ஆப் எண் மற்றும் இன்ஸ்டாகிராம் பக்கத்தை வைத்து விசாரணை நடத்தினர்.

விசாரணையில், நடிகை சனம் ஷெட்டிக்கு ஆபாச புகைப்படங்களை அனுப்பியவர் திருச்சியை சேர்ந்த ராய் என்ற கல்லூரி மாணவன் என்று தெரியவந்துள்ளது. கல்லூரி மாணவனை சைபர் கிரைம் போலீசார் கைது செய்தனர்.