11 வருடங்கள் கழித்து சூப்பர் ஸ்டார் படத்திற்கு பாடும் ஸ்ரேயா கோஷல்..!

அண்ணாத்த திரைப்படத்தில் ஒரு பாடலை பிரபல பாடகியான ஸ்ரேயா கோஷல் பாடியுள்ளதாக தகவல்கள் வெளியாகியுள்ளது.

இயக்குனர் சிறுத்தை சிவா இயக்கத்தில் நடிகர் ரஜினிகாந்த் நடிப்பில் உருவாகவுள்ள திரைப்படம் அண்ணாத்த. சன் பிக்சர்ஸ் நிறுவனம் தயாரிக்கும் இந்தப் படத்தில் மீனா , குஷ்பு, நயன்தாரா, கீர்த்தி சுரேஷ்,சூரி , சதீஷ் உள்ளிட்ட பல பிரபலங்கள் நடித்துள்ளனர். இந்த படத்திற்கு இசையமைப்பாளர் டி.இமான் இசையமைத்துள்ளார்.

இந்த நிலையில் இதனை தொடர்ந்த தற்போது இந்த படத்திற்கான படப்பிடிப்பு, இந்த மாதம் இறுதி அல்லது மார்ச் மாதம் முதல் வாரத்தில் தொடங்கும் என்று கூறப்படுகிறது. ஹைதராபாத்தில் சுமார் ஒரு மாதம் நடைபெறும் படப்பிடிப்பில் நடிகர் ரஜினி கலந்துகொள்ளவுள்ளார்.

இதனை தொடர்ந்து இந்த படத்தில் ஒரு பாடலை பிரபல பாடகியான ஸ்ரேயா கோஷல் பாடியுள்ளதாக தகவல்கள் வெளியாகியுள்ளது கடைசியாக ரஜினி நடித்த எந்திரன் படத்தின் காதல் அணுக்கள் என்ற பாடல் பாடினார். தற்போது 11 ஆண்டுகள் கழித்து மீண்டும் ரஜினி படத்திற்கு பாடவுள்ளார்.