ஸ்பெயின் நாட்டிற்கு பறக்கும் ‘வலிமை’ படக்குழு..!!

ஸ்பெயின் நாட்டில் 10 நாட்கள் மட்டும் வலிமை படத்திற்கான படப்பிப்பு எடுக்கப்படவுள்ளதால் அந்த நாட்டிற்கு வலிமை படக்குழு செல்கிறது.

நடிகர் அஜித் குமார் தற்போது நடித்து வரும் திரைப்படம் வலிமை. இந்த திரைப்படத்திற்கான படப்பிடிப்பு கிட்டத்தட்ட முடிந்துள்ள நிலையில் படத்திற்கான பர்ஸ்ட் லுக் போஸ்டர் வருகின்ற மே 1 ஆம் தேதி அஜித் பிறந்த நாளை முன்னிட்டு வெளியீடப்படவுள்ளது.  இந்த நிலையில் தற்போது கிடைத்த தகவல் என்னவென்றால் 10 நாட்கள் மட்டும் வலிமை படத்திற்கான படப்பிப்பு ஸ்பெயின் நாட்டில் நடைபெறவுள்ளது. இதனால் வலிமை படக்குழு தற்போது ஸ்பெயின் நாட்டிற்கு விமானம் மூலம் பறக்கவுள்ளதாக தகவல்கள் வெளியாகியுள்ளது.

இந்த திரைப்படத்தை தயாரிப்பாளர் போனிகபூர் தயாரித்து வருகிறார். மேலும் படத்திற்கு இசையமைப்பாளர் யுவன் ஷங்கர் ராஜா இசையமைத்து வருகிறார். ஜான்வி கபூர், ஹுமா குரேஷி, கார்த்திகேயா, பாவெல் நவகீதன், யோகி பாபு, வி.ஜே பானி போன்றோர் முக்கியமான கதாபாத்திரத்தில் நடிக்கின்றார்கள். வருகின்ற மே 1 ஆம் தேதி அஜித் பிறந்த நாளை முன்னிட்டு வலிமை பர்ஸ்ட் லுக் போஸ்டர் வெளியாகவுள்ளதால் அஜித் ரசிகர்கள் மிகவும் எதிர்பார்த்து ஆவலுடன் காத்துள்ளார்கள்.