கட்டுமானப்பணியின் போது தவறி விழுந்த பெண் – உடல் முழுவதையும் ஆக்கிரமித்த கம்பி!

சீனாவில் கட்டுமான பணியின்போது 10 அடி உயரத்திலிருந்து பெண் ஒருவர் தவறி கீழே விழுந்துள்ளார். அப்பொழுது கீழே நீட்டிக்கொண்டிருந்த கம்பியில் இந்த பெண் நேராக விழுந்துள்ளார். இதனால் இந்தப் பெண்ணின் பின்புறம் வழியாக நுழைந்த கம்பி அவரது தோள்பட்டை வழியாக வெளியே நீட்டிக்கொண்டிருந்தது. உடனடியாக கம்பியை அறுத்து அங்கிருந்த உடன் வேலை ஆட்கள் மருத்துவமனைக்கு கொண்டு சென்றுள்ளனர். ஸ்கேன் செய்த மருத்துவர்கள் அந்த கம்பி உடலின் முழு நீளத்தையும் ஆக்கிரமித்து இருந்தாலும் அவரது உள்ளுறுப்புகளோ அல்லது ரத்தக் குழாய்களோ பாதிக்கவில்லை என கூறியுள்ளனர்.

உடனடியாக அறுவை சிகிச்சையை துவங்கிய மருத்துவர்கள் மூன்று மணி நேர போராட்டத்திற்கு பிறகு அந்த கம்பி அகற்றியுள்ளனர். வெற்றிகர அறுவை சிகிச்சை நடைபெற்றுள்ள நிலையில், அந்தப் பெண்ணின் நிலைமை சீராக இருப்பதாக மருத்துவர்கள் தெரிவித்து இருந்தாலும் இவ்வளவு நீளக் கம்பி உடலுக்குள் நுழைந்து அந்தப் பெண் உயிர் பிழைத்தது மட்டுமல்லாமல் எந்த ஒரு சேதமும் இன்றி இருப்பது நிச்சயம் அற்புதம் தான் என பலரும் வியந்துள்ளனர்.