தொடக்க வீரர்களின் அதிரடி !286 ரன்கள் இலக்காக வைத்த ஆஸ்திரேலியா!

இன்றைய போட்டியில் இங்கிலாந்து , ஆஸ்திரேலியா அணிகள்மோதி வருகிறது . இப்போட்டி லண்டனில் உள்ள லார்ட்ஸ் மைதானத்தில் நடைபெறுகிறது. இப்போட்டியில் டாஸ் வென்ற இங்கிலாந்து பந்து வீச முடிவு செய்தது.
ஆஸ்திரேலியா அணியில்  தொடக்க வீரர்களான வார்னர் ,பின்ச் இருவரும்  களமிறங்கினர். ஆட்டம் தொடக்கத்திலே இருந்து வழக்கம் போல அதிரடியாக விளையாடிய இருவரும் அணியின் ரன்களை சேர்ந்தனர்.
இவர்களின் கூட்டணியை  பிரிக்க முடியாமல் இங்கிலாந்து அணி 22 ஓவர் தினறியது. அந்நிலையில் தொடக்க வீரரான வார்னர் 53 ரன்கள் எடுத்து 23-வது ஓவரில் வெளியேறினர். பிறகு இறங்கிய உஸ்மான் கவாஜா 29 பந்திற்கு 23 ரன்கள் எடுத்து அவுட் ஆனார்.
நிதானமாகவும் ,அதிரடியாகவும் விளையாடிய தொடக்க வீரரான பின்ச் சதம் அடித்து வெளியேறினர்.பிறகு மத்தியில் களமிறங்கிய க்ளென் மேக்ஸ்வெல் 12 ,மார்கஸ் ஸ்டோய்னிஸ் 8 ,  ஸ்டீவன் ஸ்மித் 38  ,பாட் கம்மின்ஸ் 1 ரன்னுடன் வெளியேறினர்.
இறுதியாக ஆஸ்திரேலியா அணி 50 ஓவர் முடிவில் 7 விக்கெட்டை இழந்து 285 ரன்கள் எடுத்தது. இங்கிலாந்து அணி பந்து வீச்சில் கிறிஸ் வோக்ஸ் 2 விக்கெட்டையும் , ஜோஃப்ரா ஆர்ச்சர் , மார்க் வூட் ,பென் ஸ்டோக்ஸ் , மொயீன் அலி ஆகியோர் தலா ஒரு விக்கெட்டையும்  பறித்தனர். இங்கிலாந்து அணி 286 ரன்கள் இலக்குடன் களமிறங்க உள்ளது.