விக்ரம் படத்தில் இணைந்த கைதி பட பிரபலம்.! அதிகாரப்பூர்வ அறிவிப்பு.!

கமல்ஹாசன் நடிப்பில் உருவாகி வரும் விக்ரம் படத்தில் மேலும் ஒரு நடிகர் இணைந்துள்ளார். 

நடிகர் கமல்ஹாசன் நடிப்பில் இயக்குனர் லோகேஷ் கனகராஜ் இயக்கத்தில் உருவாகி வரும் திரைப்படம் “விக்ரம்”. இந்த திரைப்படத்தில் நடிகர் விஜய்சேதுபதி மற்றும் பஹத்பாசில், காளிதாஸ் ஜெயராம் ஆகியோர் முக்கியமான கதாபாத்திரத்தில் நடித்து வருகிறார்கள் . இந்த திரைப்படத்தின் ஃபர்ஸ்ட் லுக் போஸ்டர் கடந்த ஜூலை மாதம் 10- ஆம் தேதி வெளியாகி ரசிகர்களுக்கு மத்தியில், நல்ல வரவேற்பை பெற்றது.

காரைக்குடியில் படத்தின் படப்பிடிப்பு ஆரம்பமாகி தற்போது விறு விறுப்பாக நடைபெற்று வருகிறது. படத்தில் ஷிவானி நடிப்பதாக தகவல்கள் வெளியாகியது. ஆனால் இது குறித்த எந்த அதிகாரப்பூர்வ அறிவிப்பும் வெளியாகவில்லை.

இந்த நிலையில், இந்த படத்தில் நடிகர் நரேன் இணைந்துள்ளதாக அதிகாரப்பூர்வமாக இயக்குனர் லோகேஷ் கனகராஜ் அறிவித்துள்ளார். நரேனும் விக்ரம் படப்பிடிப்பு தளத்தில் கமலுடன் எடுக்கப்பட்ட புகைப்படத்தை வெளியிட்டுள்ளார். ஏற்கனவே நடிகர் நரேன் லோகேஷ் கனகராஜ் இயக்கிய கைதி படத்தில் நடித்திருந்தார் என்பது குறிப்பிடத்தக்கது.

Welcome onboard sir???? Happy to work with you again sir ! https://t.co/nBAVzvzoci

— Lokesh Kanagaraj (@Dir_Lokesh) August 24, 2021