10 நாட்களில் பாக்ஸ் ஆபிஸ் வசூலை தெறிக்கவிட்ட கோடியில் ஒருவன்.! இத்தனை கோடியா.?

கோடியில் ஒருவன் திரைப்படம் 10 நாட்களில் வசூல் செய்த விவரம் குறித்த தகவல் வெளியாகியுள்ளது. 

தமிழ் சினிமாவில் இசையமைப்பாளராகவும், நடிகராகவும் வலம் வருபவர் விஜய் ஆண்டனி. இவர் தற்போது தொடர்ந்து பல படங்களில் நடித்து வருகிறார். அதில் ஒன்று ‘கோடியில் ஒருவன்’. இந்த படத்தை “மெட்ரோ” படத்தை இயக்கிய ஆனந்த கிருஷ்ணன் இயக்கியுள்ளார்.

இந்த திரைப்படத்தில் விஜய் ஆண்டனிக்கு ஜோடியாக ஆத்மிகா நடித்துள்ளார். இன்பினிட்டி பிலிம் வென்சர்ஸ் நிறுவனம் இந்த படத்தை தயாரித்துள்ளது. படத்திற்கு இசையமைப்பாளர் நிவாஸ் கே பிரசன்னா இசையமைத்துள்ளார்.

இந்த திரைப்படம் கடந்த 17-ஆம் தேதி திரையரங்குகளில் வெளியானது. வெளியான நாளிலிருந்து தற்போது வரை ரசிகர்களுக்கு மத்தியில் ஒரு நல்ல வரவேற்பை பெற்று வருகிறது.

இந்நிலையில், வெளியான 10 நாட்களில் உலகம் முழுவதும் வெளியாகி கடந்த ரூ. 10.02 கோடி வரை வசூல் செய்துள்ளதாக தகவல்கள் பரவி வருகிறது. திரையரங்குகளில் 50% பார்வையாளர்களுடன் அனுமதித்து படம் நல்ல வசூலை ஈட்டியுள்ளது.