INDvsAUS : டாஸ் வென்று பந்துவீச்சை தேர்வு செய்த ஆஸ்ரேலியா! பும்ரா இல்லாமல் விளையாடும் இந்தியா!

இந்தியாவுக்கு சுற்றுப்பயணம் மேற்கொண்டுள்ள ஆஸ்ரேலியா கிரிக்கெட் அணி இந்தியாவுக்கு எதிராக 3 ஒருநாள் போட்டிகளில் விளையாடுகிறது. இதில் முதல் போட்டி கடந்த 22-ஆம் தேதி நடைபெற்ற நிலையில், அந்த போட்டியில் முதலில்  இந்திய கிரிக்கெட் அணி வெற்றி பெற்று இந்த ஒரு நாள் தொடரில் 1-0 என்ற கணக்கில் முன்னிலையில் உள்ளது.

இதனையடுத்து, இரண்டாவது போட்டி இன்று மதியம் 1.30 மணி அளவில்  இந்தூர் ஹோல்கர் கிரிக்கெட் மைதானத்தில் நடைபெறுகிறது. இந்த போட்டியில் டாஸ் வென்ற ஆஸ்ரேலியா அணி பந்துவீச்சை தேர்வு செய்துள்ளது.

இந்தியா : சுப்மன் கில், ருதுராஜ் கெய்க்வாட், ஷ்ரேயாஸ் ஐயர், கே.எல். ராகுல்(w/c), இஷான் கிஷன், சூர்யகுமார் யாதவ், ரவீந்திர ஜடேஜா, ரவிச்சந்திரன் அஷ்வின், ஷர்துல் தாக்கூர், முகமது ஷமி, பிரசித் கிருஷ்ணா

ஆஸ்ரேலியா : டேவிட் வார்னர், மேத்யூ ஷார்ட், ஸ்டீவன் ஸ்மித்(c), மார்னஸ் லாபுஷாக்னே, ஜோஷ் இங்கிலிஸ், அலெக்ஸ் கேரி(wk), கேமரூன் கிரீன், சீன் அபோட், ஆடம் ஜம்பா, ஜோஷ் ஹேசில்வுட், ஸ்பென்சர் ஜான்சன்

அடுத்த மாதம் உலகக்கோப்பை கிரிக்கெட் போட்டி நடைபெறவுள்ளதால் ரோஹித் சர்மா , விராட் கோலி ஆகிய வீரர்களுக்கு இரண்டு போட்டிகள் ஓய்வு கொடுக்கப்பட்டுள்ளது.  கடந்த முதல் போட்டியில் விளையாடிய ஜஸ்பிரித் பும்ராவுக்கும் இந்த 2-வது போட்டியில் ஓய்வு கொடுக்கப்பட்டுள்ளது.

ind vs aus இதுவரை நேருக்கு நேர் 

இந்திய கிரிக்கெட் அணியும் ஆஸ்ரேலிய கிரிக்கெட் அணியும் இதுவரை 147 ஒரு நாள் போட்டிகளில் நேருக்கு நேராக மோதியுள்ளது. இதில் 55 முறை இந்திய கிரிக்கெட் அணியும், 82 முறை ஆஸ்ரேலிய கிரிக்கெட் அணியும் வெற்றிபெற்றுள்ளது. 10 போட்டிகள் மழை போன்ற சில காரணங்கள் சமநிலையில் முடிந்துள்ளது என்பது குறிப்பிடத்தக்கது.