தொடர்ந்து படங்கள் தோல்வி! ‘அரண்மனை 4 ‘நம்பி காத்திருக்கும் சுந்தர் சி?

Aranmanai 4 : தொடர்ந்து சுந்தர் சி இயக்கிய படங்கள் தோல்வியை சந்தித்த நிலையில், அவர் அரண்மனை 4 படத்தின் மூலம் கம்பேக் கொடுக்கும் எண்ணத்தில் இருக்கிறார்.

தமிழ் சினிமாவில் காமெடியான கமர்ஷியல் படங்களை இயக்குவதில் சிறந்த இயக்குனர் சுந்தர் சி. இவர் கடைசியாக இயக்கிய காபி வித் காதல் எதிர்பார்த்த வெற்றியை பெறவில்லை. அதனை போல அதற்கு முன்னதாக இயக்கிய அரண்மனை 3 படமும் ரசிகர்களுக்கு மத்தியில் தோல்வியை சந்தித்தது. ஆனால், அரண்மனை 1, 2, ஆகிய பாகங்கள் பலத்த வரவேற்பை பெற்று இருந்தது.

இருப்பினும்  அரண்மனை 3 படம் தோல்வியை சந்தித்தது அவருக்கே பெரிய சோகத்தை கொடுத்தது. தோல்வியால் துவண்டு விடாமல் அடுத்ததாக மக்களை மகிழ்விக்க அவர் அரண்மனை 4 படத்தையும் இயக்கி உள்ளார். இந்த 4-வது பாகத்தில் சந்தோஷ் பிரதாப், தமன்னா பாட்டியா, ராஷி கண்ணா, யோகி பாபு, கோவை சரளா, மொட்ட ராஜேந்திரன், டெல்லி கணேஷ் உள்ளிட்ட பல பிரபலங்கள் முக்கியமான கதாபாத்திரங்களில் நடித்திருக்கிறார்கள்.

இந்த திரைப்படத்திற்கு இசையமைப்பாளர் ஹிப்ஹாப் தமிழன் இசையமைத்து வருகிறார். இந்த படத்திற்கான பர்ஸ்ட் லூக் போஸ்டர் கூட கடந்த சில மாதங்களுக்கு முன்பு வெளியாகி இருந்தது. அதனை தொடர்ந்து பாடத்தின் ரிலீஸ் தேதிக்காக ரசிகர்கள் ஆவலுடன் காத்திருந்த நிலையில், தற்போது அரண்மனை 4 படத்திற்கான ரிலீஸ் தேதி அறிவிக்கப்பட்டுள்ளது.

அதன்படி, அரண்மனை 4 திரைப்படம் வரும் ஏப்ரல் மாதம் வெளியாகும் என அறிவிக்கப்பட்டுள்ளது. சுந்தர் சி இயக்கிய கடைசி இரண்டு திரைப்படங்கள் சரியாக போகாத நிலையில், கண்டிப்பாக இந்த படத்தின் மூலம் ஹிட் கொடுக்கவேண்டு என்ற எண்ணத்தோடு சுந்தர் சி இருப்பதாகவும் கூறப்படுகிறது. விரைவில் அரண்மனை 4 டிரைலர் அப்டேட் வெளியாகும் எனவும் எதிர்பார்க்கப்படுகிறது என்பது குறிப்பிடத்தக்கது.