பார்த்தாலே பிடிக்கல! அந்த நடிகர் கூட நடிக்க நோ சொன்ன சில்க் ஸ்மிதா?

Silk Smitha [File Image]

Silk Smitha : சத்யராஜை பார்த்தாலே பிடிக்கவில்லை என அவருடன்  நடிக்க நடிகை சில்க் ஸ்மிதா அந்த சமயம் மறுத்துள்ளார்.

80,90 ஆகிய காலகட்டத்தில் முன்னணி கவர்ச்சி நடிகையாக வளம் வந்தவர் நடிகை சில்க் ஸ்மிதா. கவர்ச்சியான காட்சிகள் என்றாலும் சரி கவர்ச்சியான பாடல்களில் நடனம் ஆடுவது என்றாலும் சரி அந்த சமயம் ஒரு கலக்கு கலக்கி கொண்டு இருந்தார். சிவாஜியில் இருந்து, ரஜினி, கமல் என பல பெரிய நடிகர்கள் படத்தில் நடித்து அந்த சமயம் எல்லாம் ஹீரோயினை மிஞ்சும் அளவிற்கு சம்பளம் வாங்கினார்.

அப்படி முன்னணி நடிகையாக வளம் வந்துகொண்டு இருந்த சமயத்தில் சில்க் ஸ்மிதா பிரபல நடிகர் ஒருவருடன் நடிக்கவே மறுத்தாராம். அந்த நடிகர் வேறு யாரும் இல்லை எந்த காதாபாத்திரங்கள் கொடுத்தாலும் தனது அசாத்தியமான நடிப்பால் அசர வைக்கும் சத்யராஜ் தான். சத்தியராஜ் சினிமாவிற்குள் வருவதற்கு முன்பே சில்க் ஸ்மிதா சினிமாவில் கலக்கி கொண்டு இருந்தார்.

எனவே, அந்த சமயத்தில் தான் சில்க் ஸ்மிதாவுக்கு சத்யராஜ் உடன் ஒரு படத்தில் நடிக்க வாய்ப்பு வந்ததாம். அப்போது சத்யராஜை பார்த்தவுடனே சில்க் ஸ்மிதா நான் இவருடன் நடிக்கவே மாட்டேன் என்று கூறினாராம். என்னை விட ரொம்பவே அவர் உயரமாக இருக்கிறார் அவருடன் நடிக்க எனக்கு விருப்பம் இல்லை சுத்தமாக அவரை எனக்கு பிடிக்கவே இல்லை என்று கூறி மறுத்தாராம். பிறகு இயக்குனர் தயாரிப்பாளர் அவர் இப்போது தான் வளர்ந்து வருகிறார்.

அவர் ரொம்பவே வசதியான குடும்பத்தில் இருந்து சினிமாத்துறைக்குள் வருகிறார் அவருடன் நீங்க நடித்தால் என்ன அவரை பார்க்க பாவமாக இருக்கிறது என்று கூறி சில்க் ஸ்மிதாவை படத்தில் நடிக்க சொன்னார்களாம். இவ்வளவு தூரம் அவர்கள் சொல்கிறார்கள் என்று தான் சில்க் ஸ்மிதா சத்யராஜுடன் நடிக்கவே ஒப்புக்கொண்டாராம். ஒப்புக்கொண்ட அந்த படத்தில் நடித்த பிறகு சத்தியராஜ் உடன் நடிக்க சில்க் ஸ்மிதா அடுத்தடுத்த படங்களில் சம்மதம் தெரிவித்தாராம்.

இந்த தகவலை பத்திரிகையாளர் ஜோசப் பேட்டி ஒன்றில் கூறியுள்ளார். மேலும், சில்க் ஸ்மிதா  சத்தியராஜ் இருவரும் ஜீவா, தோழர் பாண்டியன் ஆகிய படங்களில் நடித்து இருக்கிறார்கள் . இந்த படங்களும் அந்த சமயம் ரசிகர்களுக்கு மத்தியில் பெரிய அளவில் பேசப்பட்டது என்பது குறிப்பிடத்தக்கது.