முன்னாள் மனைவி மீது இசையமைப்பாளர் டி.இமான் புகார்.!

தமிழ் சினிமாவின் பிரபல இசையமைப்பாளரான டி.இமான் தற்போது பல திரைப்படங்களுக்கு இசையமைத்து வருகிறார். இவர் கடந்த 2008-ஆம் ஆண்டு மோனிகா ரிச்சர்டு என்பரை திருமணம் செய்துகொண்டார். இவர்களுக்கு 2 குழந்தைகள் உள்ளது. கடந்த ஆண்டு டிசம்பர் மாதம் 29-ஆம் தேதி தனது மனைவியை விவாகரத்து செய்துவிட்டதாக இமான் அறிவித்திருந்தார்.

இந்த நிலையில், இசையமைப்பாளர் டி.இமான் முன்னாள் மனைவி மோனிகா மீது நடவடிக்கை எடுக்க கோரி வழக்கு தொடர்ந்துள்ளார். டி.இமான் தனது இரு குழந்தைகளின் பாஸ்போர்ட்களையும் வைத்திருந்த நிலையில், குழந்தைகளின் பாஸ்போர்ட்டுகள் தொலைந்ததாக கூறி, மோனிகா புதிய பாஸ்போர்ட் பெற முயற்சித்துள்ளார். இது தொடர்பாக, டி.இமான் சென்னை உயர்நீதிமன்றத்தில் வழக்கு தொடர்ந்துள்ளார்.

இந்த வழக்கை விசாரித்த நீதிபதி அனிதா சுமந்த், தலைமை பாஸ்போர்ட் அதிகாரி, மண்டல பாஸ்போர்ட் அதிகாரி மற்றும் இமானின் முன்னாள் மனைவி மோனிகா ஆகியோர் பதிலளிக்க உத்தரவிட்டு வழக்கு விசாரணையை ஜூன் 9-ம் தேதிக்கு ஒத்திவைத்தார்.