யானையிடம் நேருக்கு நேர் ஜிவி பிரகாஷ்….மிரட்டும் கள்வன் டிரைலர்.!

Kalvan Trailer: இசையமைப்பாளரும் நடிகருமான ஜி.வி.பிரகாஷ் நடித்துள்ள ‘கள்வன்’ படத்தின் டிரைலர் வெளியாகியுள்ளது.

முன்னதாக, படத்தில் இடம்பெற்றுள்ள 3 பாடல்கள் வெளியாகி ரசிகர்களிடையே நல்ல வரவேற்பை பெற்ற நிலையில், தற்போது டிரைலரும் வெளியாகி கவனம் ஈர்த்துள்ளது. ட்ரெய்லரை வைத்து பார்க்கும்பொழுது, குடியிருப்புக்குள் புகுந்த காட்டு யானையை, விரட்டுவதே படத்தின் கதை.

ஜிவியின் வழக்கமான படத்தை காட்டிலும், இந்த படம் சற்று வித்தியாசமான கதையம்சம் கொண்டுதால் படம் வரவேற்பை பெரும் என எதிர்பார்க்கப்படுகிறது. ஒளிப்பதிவாளர் பிவி ஷங்கர் இயக்கியுள்ள இப்படம் ஏப்ரல் 4ஆம் தேதி திரையரங்குகளில் வெளியாகிறது. இந்த திரைப்படத்தில் பாரதிராஜா, இவானா, தீனா உள்ளிட்ட பலர் முக்கிய கதாபாத்திரங்களில் நடித்துள்ளனர்.

 இந்தப் படத்தை ஆக்சஸ் ஃபிலிம் ஃபேக்டரி தயாரித்துள்ளது. ஒளிப்பதிவாளர் பிவி ஷங்கர் மற்றும் ரமேஷ் ஐயப்பன் இணைந்து இந்த படத்திற்கு திரைக்கதை அமைத்துள்ளனர். இப்படத்தின் முக்கால் வாசி காட்சிகள் சத்தியமங்கலம் காப்புக்காடு மற்றும் அதைச் சுற்றியுள்ள பகுதிகளில் எடுக்கப்பட்டுள்ளது.

படத்தையும் இயக்கி படத்தின் ஒளிப்பதிவையும் இயக்குனரே பார்த்துக்கொண்டார் என்பது குறிப்பிடத்தக்கது. அதேபோல் படத்தின் நாயகனாக நடிப்பது மட்டுமின்றி ஜிவி பிரகாஷ் தான் இப்படத்திற்கு இசையமைக்க, பின்னணி இசையை ரேவா கையாண்டுள்ளார்.