தளபதி 68 அறிவிப்பு சும்மா தெறிக்கும்! இயக்குனர் வெங்கட் பிரபு ட்வீட்.!

vijay venkat prabhu [source: Fileimage]

விஜயின் 68-வது படமான (தளபதி 68) படத்தை பிரபல இயக்குனரான வெங்கட் பிரபு இயக்குகிறார். படத்தை ஏஜிஎஸ் நிறுவனம் தயாரிக்கிறது . படத்திற்கு இசையமைப்பாளர் யுவன் ஷங்கர் ராஜா இசையமைக்கவுள்ளார். படத்திற்கான அதிகாரப்பூர்வ அறிவிப்பு கடந்த சில மாதங்களுக்கு முன்பே வெளியாகி விட்டது.

இந்நிலையில், இயக்குனர் வெங்கட் பிரபு நேற்று தனது சமூக வலைதள பக்கங்களில் தன்னுடைய அடுத்த படத்தின் அப்டேட் ஒன்று வெளியாகும் என அறிவித்து இருந்தார். அந்த அறிவிப்பை தொடர்ந்து இன்று வெளியான அப்டேட் வேறு படத்தின் அப்டேட். ஆனால், நேற்று வெங்கட் பிரபுவின் அடுத்த படத்தின் அப்டேட் என அறிவித்திருந்த நிலையில், தளபதி 68 படத்தின் அப்டேட் தான் என ரசிகர்கள் ஆவலுடன் காத்திருந்தார்கள்.

ஆனால், அவர்களுக்கு ஏமாற்றம் அளிக்கும் வகையில், தளபதி 68 படத்தின் அப்டேட் வெளியாகவில்லை. இதனால் ரசிகர்கள் அனைவரும் தளபதி 68 அப்டேட் கொடுங்க என கேட்டுவந்த நிலையில், தளபதி 68 அறிவிப்பு வரும் போது சும்மா தெறிக்கும் என அப்டேட் கொடுத்துள்ளார். இதனால் ரசிகர்கள் உற்சாகத்தில் உள்ளனர்.

மேலும், தளபதி 68 படத்தில் விஜய்க்கு தம்பியாக நடிக்க நடிகர் ஜெய்யிடம் பேச்சுவார்த்தை நடைபெற்று வருவதாக ஒரு தகவல் பரவி வருகிறது. இவர் ஏற்கனவே விஜய்க்கு தம்பியாக பகவதி படத்தில் நடித்திருந்தார் என்பதும் குறிப்பிடத்தக்கது.