#1YearofPrince: வெளிநாட்டு நடிகையுடன் டூயட் செய்து பாக்ஸ் ஆபிஸில் கோட்டைவிட்ட சிவகார்த்திகேயன்!

இயக்குனரான அனுதீப் கே.வி இயக்கத்தில் நடிகர் சிவகார்த்திகேயன் நடிப்பில் கடந்த ஆண்டு 21 அக்டோபர் அன்று இதே தேதியில் திரையரங்குகளில் வெளியான ‘பிரின்ஸ்’ திரைப்படம், விமர்சன ரீதியாகவும், வசூல் ரீதியாகவும் தோல்வியை சந்தித்தது. இன்றுடன் இந்த திரைப்படம் ஒரு வருடத்தை நிறைவு செய்திருக்கிறது.

இந்த திரைப்படத்திற்கு இசையமைப்பாளர் தமன் எஸ் இசையமைத்திருந்தார். ஸ்ரீ வெங்கடேஸ்வரா சினிமாஸ் மற்றும் சுரேஷ் புரொடக்‌ஷன்ஸ் ஆகிய இரண்டு நிறுவனங்கள் இணைந்து இந்த படத்தை ரூ.60 கோடி பட்ஜெட்டில் தயாரித்திருந்தது.

இந்த படத்தில், நடிகர் சிவகார்த்திகேயனுக்கு ஜோடியாக உக்ரைன் நாட்டைச் சேர்ந்த நடிகை மரியா ரியாபோஷப்கா என்பவர் நடித்திருந்தார். மேலும் இந்த படத்தில் பிரேம்ஜி அமரன், சத்யராஜ் உள்ளிட்ட பலர் நடித்துள்ளனர்.

ரூ.60 கோடி பட்ஜெட்டில் எடுக்கப்பட்ட இந்த படத்தில் காமெடி காட்சிகள் சரியாக மக்கள் சிரிக்கும் படி அமையாததால், படம் தோல்வியடைந்தது என்றே கூறலாம். மேலும், வெளிநாட்டு பெண்ணை காதலிக்கும் இந்திய காதலனை மையமாக வைத்து எடுப்பதற்காக, உக்ரைன் நடிகையை ஒப்பந்தம் செய்தனர்.

#8YearsOfNaanumRowdyDhaan : நயன்தாரா விக்கிக்கு ரொம்ப ஸ்பெஷல்! ‘நானும் ரவுடி தான்’ உருவான கதை!

படத்தின் கதைப்படி, பாண்டிச்சேரியைச் சேர்ந்த ஆசிரியர் (சிவகார்த்திகேயன்) தனது பள்ளியில் பணிபுரிந்து வரும், பிரிட்டிஷ் ஆசிரியை (மரியா ரியாபோஷப்கா) காதலிப்பதற்கு அவரது குடும்பம் மற்றும் ஊர் மக்கள் எதிர்க்கும் கதைதான் படத்தின் ஒன்லைன்.

பிரின்ஸ் பாக்ஸ் ஆபிஸ் 

இப்படி, 60 கோடி பட்ஜெட்டில் எடுக்கப்பட்ட இந்த உலக  முழவதும் ரூ.40 கோடி மட்டுமே வசூலித்தாக சொல்லப்படுகிறது. அதன்படி, சிவகார்த்திகேயனுக்கு சம்பளம் மட்டுமே ரூ. 30 கோடி என கூறப்படுகிறது.

இந்நிலையில், தமிழ்நாட்டில் ரூ.25.25 கோடி வசூலித்ததாகவும், ஆந்திராவில் ரூ.5.65 கோடி, கர்நாடகா ரூ.1.00 கோடி கேரளா மற்றும் இந்தியாவின் மற்ற பகுதிகளில் சேர்த்து ரூ.1 கோடி எனவும், வெளிநாட்டில் ரூ.8.10 கோடி என வசூலித்து மொத்த உலகவில் ரூ40.50 கோடி என கணக்கிடப்பட்டுள்ளது.

ரூ.100 கோடி வசூல் 

ஆனால், பிரின்ஸ் படத்திற்கு முனதா நடிகர் சிவகார்த்திகேயன் நடிப்பில் வெளியான டான் மற்றும் டாக்டர் ஆகிய இரண்டு திரைப்படங்களும் ரூ.100 கோடி வசூலித்து மாபெரும் சாதனை படைத்தது.

தொடர்ந்து ரூ.100 கோடி வசூலித்த சிவகார்த்திகேயன் பிரின்ஸ் படத்தில் மிஸ் செய்துவிட்டார் என்றே சொல்ல வேண்டும். ஆனால், கடைசியாக சிவகார்த்திகேயன்நடிப்பில் வெளியான மாவீரன் திரைப்படம் ரூ.90 கோடியை எட்டியது குறிப்பிடத்க்கது.