ரேபரேலி தொகுதியில் காங்கிரஸ் வேட்பாளர் ராகுல் காந்தி வெற்றி!

ராகுல் காந்தி : நடந்து முடிந்த மக்களவை தேர்தலின் வாக்கு எண்ணிக்கை இன்று நடைபெற்று வரும் நிலையில் உத்தர பிரதேச மாநிலம் ரேபரேலி தொகுதியில் போட்டியிட்ட காங்கிரஸ் மூத்த தலைவர் ராகுல் காந்தி வெற்றிபெற்றுள்ளார்.

முதல் முறையாக இந்த தொகுதியில் போட்டியிட்ட ராகுல் காந்தி வாக்கு எண்ணிக்கை தொடங்கியதில் இருந்தே முன்னிலை வகித்து வந்தார். இதனையடுத்து, 6,84,261 வாக்குகள் பெற்று ராகுல் காந்தி வெற்றி பெற்றார். அவரை எதிர்த்து போட்டியிட்ட பாஜக வேட்பாளர் தினேஷ் பிரதாப் சிங் 2,95,646 வாக்குகளை பெற்று 3,88,615 வாக்கு வித்தியாசத்தில் தோல்வியடைந்தார்.