விவசாயிகள் தொடர்பான மசோதா விவசாயிகளுக்கும், விவசாயத்துறைக்கும் ஊக்கத்தை அளிக்கும்- அமித் ஷா.!

நேற்று மக்களவையில் மத்திய அரசு தாக்கல் செய்து நிறைவேற்றப்பட்ட விவசாயிகள் தொடர்பான, அத்தியாவசிய பொருட்கள் மசோதா 2020, விலைவாசி தொடர்பான விவசாயிகள் அதிகாரம் மற்றும் பாதுகாப்பு ஒப்பந்த மசோதா 2020 மற்றும் விவசாயிகள் உற்பத்தி வர்த்தகம் மசோதா 2020 ஆகிய 3 மசோதாக்களுக்கு  காங்கிரஸ் உள்ளிட்ட எதிர்க்கட்சிகள் கடும் எதிர்ப்பு  தெரிவித்து வருகின்றனர்.

இந்நிலையில், மத்திய உள்துறை அமைச்சர் அமித் ஷா தனது ட்விட்டர் பக்கத்தில் பதிவு ஒன்றை பதிவிட்டுள்ளார். அதில்,  மோடி அரசு இந்த வரலாற்று மசோதா விவசாயிகளுக்கும், விவசாயத்துறைக்கும் ஒரு ஊக்கத்தை அளிக்கும். மேலும் அவர்களை இடைத்தரகர்கள் மற்றும் பிற பிரச்சினைகளிலிருந்து விடுவிக்கும்.

இந்த மசோதாக்கள் மூலம், விவசாயிகள் தங்கள் விளைபொருட்களை விற்க புதிய வாய்ப்புகளைப் பெறுவார்கள், இது அவர்களின் வருமானத்தை அதிகரிக்கும்.

இந்தியாவின் கடின உழைப்பாளி விவசாயிகள். நாட்டின் செழிப்பு மற்றும் செழிப்பைத் தாங்கியவர்கள், முழு தேசமும் பெருமிதம் கொள்கிறது. மோடி  அரசு விவசாயிகளின் வலுவூட்டலுக்காக இரவும், பகலும் உழைத்து வருகிறது என பதிவிட்டுள்ளார்.