டெல்லி சப்ஜி மண்டியில் 4 மாடி கட்டிடம் இடிந்து விழுந்து விபத்து..!

டெல்லி சப்ஜி மண்டி பகுதியில் 4 மாடி கட்டிடம் இடிந்து விழுந்து விபத்துக்குள்ளாகியுள்ளது. 

இன்று காலை வடக்கு டெல்லியில் உள்ள சப்ஜி மண்டி பகுதியில் 4 மாடி கட்டிடம் ஒன்றில் கட்டுமான வேலைகள் நடைபெற்று வந்துள்ளது. அப்போது எதிர்பாராத விதமாக திடீரென இந்த கட்டிடம் இடிந்து விழுந்துள்ளது. அதனால் இந்த கட்டிடத்தில் வேலை பார்த்த பணியாளர்கள் இடிபாடுகளில் சிக்கியுள்ளனர்.

இந்த சம்பவம் குறித்து தீயணைப்பு வீரர்களுக்கு தகவல் தெரிவித்தவுடன் உடனடியாக இப்பகுதிக்கு விரைந்து மீட்பு பணியில் ஈடுபட்டுள்ளனர். இந்நிலையில் தற்போது வரை இந்த விபத்தில் சிக்கிய ஒருவரை மீட்டு மருத்துவமனைக்கு சிகிச்சைக்கு அனுப்பியுள்ளனர். தற்போது இப்பகுதியில் 7 தீயணைப்பு வாகனங்கள் மூலம் மீட்பு பணிகள் நடைபெற்று வருவது குறிப்பிடத்தக்கது.