லடாக்கில் வீரமரணம் அடைந்த 20 இந்திய வீரர்களுக்கு நினைவுச்சின்னம்..!

கிழக்கு லடாக்கின் கால்வான் பள்ளத்தாக்கில் சீன இராணுவத்துடன் நடந்த மோதலின் போது 20 இந்திய வீரர்களின் வாழ்க்கையை நினைவுகூரும் வகையில் ஒரு நினைவிடம் கட்டப்பட்டுள்ளது.

கால்வான் பள்ளத்தாக்கில் கடந்த ஜூன் மாதம் 15-ம் தேதி அத்துமீறி ஊடுருவி சீன ராணுவ வீரர்கள் மற்றும் இந்திய வீரர்கள் இடையில் ஏற்பட்ட மோதலில் இந்திய தரப்பில்  இருந்து 20 வீரர்கள் வீரமரணமடைந்தனர்.

இந்நிலையில், வீர மரணம் அடைந்த 20 இந்திய வீரர்களை நினைவுகூறும் வகையில், லடாக்கின் டர்பக்-சியோக்-தெளலத் பெக் ஓல்டி பகுதியில் ஒரு நினைவிடம் கட்டப்பட்டுள்ளது. இந்த நினைவிடத்தில் கால்வன் மோதலில் வீரமரணம் அடைந்த  20 வீரர்களின் பெயர்களும், ஜூன் 15-ம் தேதி நடந்த நடவடிக்கையின் விவரங்களும் உள்ளன.

இந்த மோதலில் சீன இராணுவம் தரப்பில் அதிக உயிரிழப்புகள் ஏற்பட்டிருக்கலாம் என கூறப்படுகிறது, ஆனால், சீனா இது குறித்த எந்த விவரங்களையும் வெளியிடவில்லை.