காங்கிரஸ் கட்சியின் தலைவராகிறாரா ராகுல் காந்தி ? நாளை கூடுகிறது செயற்குழு கூட்டம்.!

காங்கிரஸ் கட்சியின் தேசிய தலைவராக ராகுல் காந்தி தேர்வு செய்ய உள்ளதாக தகவல் வெளியாகியுள்ளது.

நடந்து முடிந்த 17-வது மக்களவை தேர்தலில் காங்கிரஸ் கட்சி தோல்வி அடைந்தது.பாஜக தனிப்பெருமபான்மையுடன் வெற்றி பெற்று ஆட்சியமைத்தது.இதன் பின் மக்களைத் தேர்தலில் காங்கிரஸ்  தோல்வி அடைந்ததை அடுத்து தோல்விக்கு பொறுப்பேற்று அக்கட்சியின் தேசியத் தலைவர் ராகுல்கந்தி தன் பதவியை ராஜினாமா செய்வதாக அறிவித்தார்.இதனையடுத்து   காங்கிரஸ் கட்சியின் இடைக்காலத் தலைவராக சோனியா காந்தி தேர்வு செய்யப்பட்டார். ஆனால் கட்சிக்கு நிரந்தர தலைவரை தேர்வு செய்ய வேண்டும் என்ற கோரிக்கை கட்சிக்குள் எழுந்து வருகிறது.

இந்நிலையில் நாளை காங்கிரஸ் செயற்குழு கூட்டம் காணொளி கட்சிமூலமாக நடைபெறுகிறது. இந்த கூட்டத்தில் கட்சிக்கு நிரந்தர தலைவரை தேர்வு செய்வது குறித்து முக்கிய முடிவு எடுக்கப்படவுள்ளது என்று தகவல் தெரிவிக்கப்பட்டுள்ளது. இதில் சோனியா காந்தி உடல் நலத்தை கருத்தில் கொண்டு தலைவர் பதவியை ஏற்க மறுத்தால் அவருக்கு பதிலாக ராகுல் காந்தி அல்லது பிரியங்கா காந்தி புதிய தலைவராக ஏற்க வாய்ப்பு உள்ளது என்று தகவல் வெளியாகியுள்ளது.