கட்சி சின்னத்தில் யூடியூப் சேனல் தொடக்கிய சமாஜ்வாதி கட்சி ..!

சமாஜ்வாதி கட்சி கொரோனா வைரஸ் தொற்றுநோய்க்கு மத்தியில்  மக்களை எளிதாக சென்றடையும் வகையில் சமாஜ்வாதி கட்சி தங்கள் கட்சி சின்னமான சைக்கிளின் பெயரிலேயே ‘பைசைக்கிள் டிவி’ என்ற பெயரில் யூடியூப் சேனல் ஒன்றை தொடங்கியுள்ளது.

சமாஜ்வாதி கட்சியின் தலைவர் அகிலேஷ் யாதவ் கடந்த ஆகஸ்ட் 15 அன்று சைக்கிள் டிவியை (யூடியூபில்) அறிமுகப்படுத்தப்பட்டுள்ளது.  தற்போதுவரை சேனலைக் கையாளும் கட்சியின் ஊடகக் குழு 5 வீடியோகளை பதிவேற்றியுள்ளது.

“இந்த சேனலில் கட்சியின் கருத்துக்கள் மற்றும் சித்தாந்தங்களை பரப்புதல், முந்தைய சமாஜ்வாதி அரசாங்கத்தின் சாதனைகள், கட்சியின் எதிர்கால திட்டங்கள், அறிவிப்புகள், ஆளும் கட்சியையும் அவற்றின் பொய்களையும் அம்பலப்படுத்துதல், நேரடி பத்திரிகையாளர் சந்திப்புகள் மற்றும் நேரடி கட்சி நிகழ்வுகளுக்கு பயன்படுத்தப்படும்” என்று சமாஜ்வாதி தேசிய செயலாளரும், உ.பி. முன்னாள் அமைச்சருமான அபிஷேக் மிஸ்ரா கூறினார்.

 சைக்கிள் என்பது சமாஜ்வாதி கட்சியின் தேர்தல் சின்னம் என்பது குறிப்பிடத்தக்கது.