தொடங்கியது யு.பி.எஸ்.சி தேர்வுகள் – இரண்டு கட்டமாக தேர்வுகள் நடைபெறுகிறது!

நாடு முழுவதும் யு.பி.எஸ்.சி தேர்வுகள் துவங்கியுள்ள நிலையில், இரண்டு கட்டமாக தேர்வுகள் நடைபெறுகிறது.

காலியாக உள்ள இந்திய பணியிடங்களை நிரப்புவதற்கான முதல்நிலைத் தேர்வாகிய யுபிஎஸ்சி தேர்வு இன்று காலை 9.30 மணிக்கு தொடங்கி தற்பொழுது நடைபெற்று வருகிறது. மே மாதம் 31 ஆம் தேதி நடத்தப்படவிருந்த இந்த தேர்வு, கொரோனா ஊரடங்கால் ஒத்திவைக்கப்பட்ட தற்பொழுது தான் நடத்தப்படுகிறது. தமிழகத்தில் 50 ஆயிரத்துக்கும் மேற்பட்டோர் எழுதக்கூடிய இந்த தேர்வு சென்னை மதுரை, திருச்சி, கோவை ஆகிய இடங்களில் நடைபெறுகிறது.

சென்னையில் மட்டும் 62 மையங்களில் நடைபெறக்கூடிய இந்தத் தேர்வு அனைத்து இடங்களிலும் காலை மற்றும் பிற்பகல் என இரண்டு கட்டங்களாக நடத்தப்படுகிறது. மதியம் 2.20 க்கு அடுத்த தேர்வு நடைபெறும். இந்தத் தேர்விலும் அடையாள அட்டை, தேர்வு நுழைவு சீட்டு மற்றும் கொரோனா தடுப்பு வழிமுறைகள் அனைத்தையும் பின்பற்றவும் தேர்வுக்கு வருபவர்கள் முக கவசம் அணிந்து இருப்பதோடு கிருமிநாசினி தாங்களாகவே கொண்டுவரவேண்டும் எனவும் யு.பி.எஸ்.சி சார்பில் அறிவுறுத்தப்பட்டுள்ளது.