நள்ளிரவில் சுவர் எறிக்குதித்து…ஜன்னல் வழியே படுக்கையறையை எட்டிப்பார்க்கும்..மர்ம நபர்- பீதியில் மக்கள்

• நள்ளிரவில் சுவர் எறிக்குதித்து படுக்கை அறையை நோட்டமிடும் மர்மநபர்
• சிசிடிவி காட்சிகளில் வெளியான பதிவுகளால் மக்கள் பீதி

கோவை மாவட்டம் கவுண்டம்பாளைய பகுதிகளில் கடந்த சில நாட்களாகவே இரவு நேரங்களில்  அடையாளம் தெரியாத ஒரு நபர்  நடமாடி கொண்டு இருக்கும் வீடியோ வெளியாகி அப்பகுதி மக்களிடையே பீதியை ஏற்படுத்தியது.அந்த வீடியோவில் இரு சக்கர வாகனத்தில் அப்பகுதிக்கு வரும் மர்ம நபர், வீட்டிற்குள் செல்ல சுவர் ஏறி குதித்து வந்து ஜன்னல் வழியாக அறைகளை எட்டி  பார்க்கிறார் இது போல 3 வீடுகளிலும் இதே போல் எட்டிப்பார்க்கும்  காட்சிகள்  சிசிடிவி கேமராவில் பதிவாகியது.

பதிவாகிய சிசிடிவி காட்சிகள் : கவுண்டம்பாளையத்தில் உள்ள மருதம் நகர், பாரதி காலணி ஆகிய இடங்களில்  இருக்கும் 3 வீடுகளில் மர்மநபர் திருட முயற்சிகள் மேற்கொண்டதாக தெரிகிறது.சிசிடிவி காட்சிகள் குறித்து தகவல் அறிந்த அப்பகுதி மக்கள் பீதியடைந்துள்ளனர். மேலும் மர்மநபர் குறித்து  துடியலூர் காவல் நிலையத்தில் புகார் ஒன்றையும் அளித்து உள்ளனர்