மு.க.ஸ்டாலின் தலைமையில் அனைத்து கட்சி கூட்டம்

இன்று  மு.க.ஸ்டாலின் தலைமையில் அனைத்து கட்சி கூட்டம் இன்று காணொளி மூலம் நடைபெறுகிறது.
கொரோனா வைரஸ் தொற்று நாளுக்கு நாள் தமிழகத்தில் அதிகரித்த வண்ணம் இருக்கிறது. இதுவரை 1000-க்கும் மேற்பட்டோர் பாதிக்கப்பட்டுள்ளனர். இந்த கொரோனா வைரஸ் பரவலை தடுக்க நாடு முழுவதும் மே  மாதம் 3-ஆம் தேதி வரை ஊரடங்கு நீட்டிக்கப்பட்டுள்ளது. இதற்கு இடையில் திமுக சார்பில் மு.க.ஸ்டாலின் தலைமையில் அனைத்து கட்சி கூட்டம் நடைபெறும் என அறிவிக்கப்பட்டது. இந்த அனைத்து கட்சி கூட்டத்தில் தமிழகத்தில் மேற்கொள்ளப்பட்டு வரும் கொரோனா நடவடிக்கைகள் குறித்து விவாதிக்க உள்ளதாக தெரிவிக்கப்பட்டுள்ளது .
இந்நிலையில் இந்த  கூட்டம் சென்னை அண்ணா அறிவாலயத்தில் நடைபெறுவதாக இருந்தது. பின்னர் காவல்துறையினர், நேரடியாக கூட்டம் நடத்த தடை விதித்தனர். அதற்கு பதிலாக காணொளி காட்சி மூலம் நடத்த அறிவுறுத்தினர். இதனை தொடர்ந்து திமுக தலைவர் முக.ஸ்டாலின் அனைத்து கட்சி கூட்டம் காணொளி மூலம் இன்று நடைபெறுமென அறிவித்தார்.அதன் படி இன்று காணொளி மூலம் அனைத்து கட்சி கூட்டம் நடைபெற உள்ளது.