#Breaking:ஆளுநருடன் முதல்வர் சந்திப்பு;மறுபுறம் ஆளுநரை நீக்கக்கோரி திமுக எம்பிக்கள் முழக்கம்!

சென்னை கிண்டியில் உள்ள ஆளுநர் ஆர்.என் ரவியுடன் முதல்வர் ஸ்டாலின் அவர்கள் சந்தித்துள்ளார். மரியாதை நிமித்தமாகவும்,அரசு சார்ந்த கோரிக்கைள் தொடர்பாக இந்த சந்திப்பு இருப்பதாக கூறப்படுகிறது.

கடந்த சில நாட்களுக்கு முன்னர் சட்டப்பேரவையில் நீட் விலக்கு மசோதாவை மீண்டும் நிறைவேற்றி ஆளுநருக்கு அனுப்பியுள்ள நிலையில்,தற்போது ஆளுநரை முதல்வர் ஸ்டாலின் அவர்கள் நேரில் சந்தித்துள்ளார்.

குறிப்பாக,வருகின்ற மார்ச் 18 ஆம் தேதி பட்ஜெட் தாக்கல் உள்ள நிலையில்,ஆளுநருக்கும் முதல்வருக்கும் இடையிலான இந்த சந்திப்பு மிக முக்கியத்துவம் வாய்ந்ததாக கருதப்படுகிறது.

இதனிடையே,நாடாளுமன்றத்தில் மக்களவையில் நடைபெற்று வரும் பட்ஜெட் தாக்கல் குறித்த இரண்டாவது அமர்வில் பங்கேற்றுள்ள டி.ஆர்.பாலு உள்ளிட்ட திமுக எம்பிக்கள்,நீட் விலக்கு மசோதாவுக்கு ஒப்புதல் அளிக்காத தமிழக ஆளுநர் ஆர்.என். ரவியை நீக்கக்கோரி அவையில் முழக்கம் எழுப்பி வருகின்றனர் என்பது குறிப்பிடத்தக்கது.